یہ خاتون پلاسٹک کے شاپنگ بیگز سے حیرت انگیز کپڑے بُنتی ہیں
امین اکبر منگل 26 مارچ 2019 23:26
روزا فریگنو کے نئے سوٹ کو دیکھیں تو آپ اس کے اون سے بنے ہونے کی قسم کھا سکتے ہیں لیکن جب آپ اسے چھوئیں تو حیران رہ جائیں گے۔ یہ سوٹ پلاسٹک سے بنایا گیا ہے۔ سوٹ کی تیاری میں جو پلاسٹک استعمال ہوا ہے، اسے عام طور پر ساری دنیا میں ایک بار استعمال کے بعد پھینک دیا جاتا ہے۔ اس سوٹ کی تیاری میں استعمال شدہ شاپنگ بیگز استعمال کیے گئے ہیں۔ روزا کی جیکٹ میں پلاسٹک کے 300 شاپنگ بیگز استعمال ہوئے ہیں۔
مغربی نیویارک سے تعلق رکھنے والی 75 سالہ روزا اس عمر میں بھی خاصی فعال ہیں۔گرمیوں میں اُن کا وقت اپنے گھر کے باغیچے میں پھلوں اور سبزیوں کی دیکھ بھال میں گزرتا ہے جبکہ سردیوں میں وہ پیچیدہ بُنائی کرتی ہیں۔پچھلے سال انہوں نے پلاسٹک کے سینکڑوں بھورے شاپنگ بیگز سے اپنی جیکٹ بنائی۔
(جاری ہے)
روزا شادی سے پہلے سلائی کا کام کرتی تھیں۔ ایک بار انہوں نے پلاسٹک سے بنا پرس دیکھا تھا۔
اس سے متاثر ہوکرانہوں نے شاپنگ بیگز سے پرس بنانے کا سوچا ۔ اس حوالے سے ہدایات انہیں یوٹیوب ویڈیوز سے مل گئیں۔شروع میں تو انہوں نے پلاسٹک کے بیگز بنائے اور اس کے بعد سوٹ بنانا شروع کر دیا۔سوٹ یا پرس بنانے کے لیے روزا پہلے پلاسٹک کو پٹیوں کی صورت میں کاٹتی ہیں۔اس کے بعد انہیں طویل کرنے کے لیے ایک ساتھ جوڑتی ہیں۔ اس کے بعد وہ پلاسٹک کی پٹیوں کو اون کی طرح کی شکل دیتی ہیں اور سلائیوں سے بُنتی ہیں۔ پلاسٹک کی پٹیوں کو بُننے کے لیے درکار سلائیاں مارکیٹ میں تو نہیں تھی اس لیے انہوں نے خود سے ہی سلائیاں بنائیں۔
روز ا کو اپنا سوٹ بنانے میں 2 ماہ لگے تھے ۔ انہوں نے اپنی جیکٹ 170 پلاسٹک بیگز اور سکرٹ 140 پلاسٹک بیگز سے بنایا تھا۔.
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.