بین الاقوامی خریداروں کومتوجہ کرنے اور روابط بڑھانے کے لیے 12جون کو چائنہ میں ’’ایکسپواینڈ انویسٹمنٹ فیئر‘‘ منعقد ہوگا

جمعہ 5 اپریل 2019 15:04

بین الاقوامی خریداروں کومتوجہ کرنے اور روابط بڑھانے کے لیے 12جون کو ..
ملتان (اُردو پوائنٹ اخبارتازہ ترین - اے پی پی۔ 05 اپریل2019ء) بین الاقوامی خریداروں کو متوجہ کرنے اوران سے ڈائریکٹ روابط کے لیے 12جون سے 7روزہ ’’ جنوب اور جنوب مشرقی ایشیاء کموڈٹی ایکسپواینڈ انویسٹمنٹ فیئر‘‘ چائنہ میں منعقد ہوگا۔ ٹریڈ ڈویلپمنٹ اتھارٹی آف پاکستان کے مطابق اس صنعتی و تجارتی نمائش میں شرکت کی خواہش مند پاکستانی فرموں کو ہرطرح کی معاونت فراہم کی جائے گی تاکہ وہ پاکستانی مصنوعات کو بین الاقوامی خریداروں تک کم سے کم اخراجات کے ساتھ روشناس کراسکیں۔

(جاری ہے)

ٹیڈیپ کے مطابق اس نمائش میں ٹیکسٹائل اینڈ گارمنٹس ، ہوم گارمنٹس ،معدنیات، میڈیکل ڈیوائسز اینڈ فارماسیوٹیکل آلات، جیولری، بلڈنگ میٹریلز، ڈیکوریشن میٹریل، سافٹ ویئر ،ہینڈ ی کرافٹس، ٹورازم، سپورٹس گڈز، سرجیکل آلات، کارپٹ، قالین، لیدرمصنوعات، چاول، سینئری ویئر، لکڑی کی مصنوعات، اونیکس اور ماربل ہینڈی کرافٹس، ہربل کاسمیٹکس،ہربل ہیلتھ کیئر مصنوعات ،انجینئرنگ اورآٹوپارٹس شامل ہیں۔اس نمائش میں شرکت کیلئے 19اپریل تک درخواستیں دی جاسکتی ہیں۔

متعلقہ عنوان :