Live Updates

ْنوازشریف سیاسی قیدی ہیں، ہمیں انصاف ملنے کا یقین کا ہے، یہ بال چھٹ جائینگے ، احسن اقبال

ہم کسی سے بھی این آر او نہیں مانگ رہے، پی ٹی آئی والے اپنے لوگوں کو مطمئن رکھنے کیلئے اس قسم کی باتیں رکھتے ہیں، انٹرویو

بدھ اپریل 00:06

ْنوازشریف سیاسی قیدی ہیں، ہمیں انصاف ملنے کا یقین کا ہے، یہ بال چھٹ ..
اسلام آباد (اُردو پوائنٹ اخبارتازہ ترین - این این آئی۔ 09 اپریل2019ء) پاکستان مسلم لیگ (ن) کے رہنما سابق وزیرداخلہ احسن اقبال نے کہا ہے کہ نوازشریف سیاسی قیدی ہیں، ہمیں انصاف ملنے کا یقین کا ہے اور یہ بادل چھٹ جائیں گے۔ منگل کو ایک انٹرویو میں احسن اقبال نے مولانا فضل الرحمان اور نوازشریف کی ملاقات کوغیر سیاسی قرار دیتے ہوئے کہا کہ نوازشریف سیاسی سرگرمیاں فی الحال نہیں کر رہے لیکن پارٹی کے دیگر رہنما سیاسی ملاقاتیں کرتے رہتے ہیں۔

مسلم لیگ ن کے رہنما نے مولانا فضل الرحمان کو کنگ آف پالیٹکس بھی قرار دیا۔سابق وزیرداخلہ نے کہا کہ ہم کسی سے بھی این آر او نہیں مانگ رہے، پی ٹی آئی والے اپنے لوگوں کو مطمئن رکھنے کیلئے اس قسم کی باتیں رکھتے ہیں، سب جانتے ہیں کہ نوازشریف سیاسی قیدی ہیں، ہمیں انصاف ملنے کا یقین کا ہے اور یہ بادل چھٹ جائیں گے۔

(جاری ہے)

احسن اقبال نے کہا کہ خطے کے دیگر ممالک نے صرف استحکام اور پالیسیوں کے تسلسل کی وجہ سے ترقی کی ہے، بھارت اور بنگلہ دیش میں کرپشن ہم سے زیادہ ہے لیکن وہاں استحکام ہے۔

احسن اقبال نے کہا کہ کسی بھی حکومت کو کم سے کم 18 ماہ ملنے چاہیں اپنی کارکردگی دکھانے کیلئے، ہم چاہتے ہیں موجودہ حکمراں جماعت پوری طرح بے نقاب ہوجائے۔ اسد عمر میرے دوست ہیں، آپ ڈالر کو ایک سال یا چھ ماہ تک مصنوعی طریقے سے نیچے رکھ سکتے ہیں۔مجھے سی پیک پر فخر ہے ہم نے تین سال میں ایک پروجیکٹ کو کاغذ کے ٹکڑے سے زمین پر کھڑا کردیا جو دنیا میں اپنی مثال آپ ہے، ہم حکومت میں آئے تو حالات خراب تھے، ہم نے وژن 2025 بنایا جس میں تمام جماعتوں کو آن بورڈ لیا تھا۔
ڈالر تاریخ کی بلند ترین سطح پر سے متعلق تازہ ترین معلومات