سندھ میں میٹرک اور انٹر کے امتحانات،پرچے آوٹ ہوگئے، طلبہ نے دل کھول کر نقل کی

میڈیا کو امتحانی مراکز کی کوریج سے روکنے والی بورڈ انتظامیہ نقل روکنے میں مکمل طور پر ناکام نظر آئی

بدھ 17 اپریل 2019 16:01

سندھ میں میٹرک اور انٹر کے امتحانات،پرچے آوٹ ہوگئے، طلبہ نے دل کھول ..

کراچی(اُردو پوائنٹ اخبارتازہ ترین - این این آئی۔ 17 اپریل2019ء) سندھ میں میٹرک اور انٹر بورڈ انتظامیہ منہ دیکھتی رہ گئی۔ بدھ کو ہونے والے پرچے بھی آئوٹ ہوگئے۔ طلبہ نے دل کھول کر نقل کی۔تفصیلات کے مطابق سندھ میں نقل مافیا بے قابو ہوگیاہے۔ امتحانات میں مسلسل تیسرے روز بھی پرچہ آوٹ ہوگیا۔ مطالعہ پاکستان کا پرچہ مقررہ وقت سے 30 منٹ پہلے ہی سوشل میڈیا پر وائرل ہوگیا۔

ذرائع نے بتایاکہ پرچے کے ساتھ حل شدہ جوابات بھی وٹس ایپ گروپ پر دستیاب تھے۔

(جاری ہے)

سندھ کے مختلف شہروں میں طلبہ کی تو جیسی موجیں ہی ہوگئیں۔ اور وہ موبائل فون کی مدد سے پرچہ چھاپتے نظر آئے۔اسی طرح بدھ کو انٹر کے طلبہ کو بھی نقل مافیا نے مایوس نہیں کیا ۔ ریاضی کا پرچہ پیپر شروع ہونے سے 45منٹ پہلے سوشل میڈیا پر دستیاب تھا۔میڈیا کو امتحانی مراکز کی کوریج سے روکنے والی بورڈ انتظامیہ نقل روکنے میں مکمل طور پر ناکام نظر آرہی ہے۔ تعلیمی بورڈز کی طرف سے نقل میں سوشل میڈیا کا استعمال روکنے کے لئے ایف آئی اے سے رابطہ کیا جانا بھی بے سود ثابت ہوا ہے۔