پاکستان کرکٹ بورڈ کے گورننگ بورڈ کے اکثریتی اراکین نے بورڈ کے مینیجنگ ڈائریکٹر (ایم ڈی)وسیم خان کی تقرری تسلیم کرنے سے انکار کردیا
کوئٹہ میں پاکستان کرکٹ بورڈ کے گورننگ بورڈ کا 53 واں اجلاس اس وقت ہنگامی صورت حال کا شکار ہو گیا جب گورننگ بورڈ کے 7 میں سے 5 ارکان نعمان بٹ، شاہ ریز روکڑی، کبیر خان، شاہ دوست اور ایاز خان نے بورڈ کے اجلاس میں پیش کیے جانے والے ایجنڈے کو مکمل طور پر مسترد کردیا
بدھ 17 اپریل 2019 22:12
(جاری ہے)
اراکین نے بورڈ کے چیئرمین احسان مانی کی جانب سے وسیم خان کے اختیارات سے متعلق ایجنڈے کو پیش کرنے سے قبل ہی ماننے سے مکمل طور پر انکار کردیا۔
ذرائع کا کہنا ہے کہ گورننگ بورڈ کے ان اکثریتی اراکین نے ڈومیسٹک کرکٹ اسٹرکچر کے لیے نئی کمیٹی بنانے کی تجویز دی ہے جب کہ 10 روز میں نیا اسٹرکچر تجویز کرکے 30 اپریل کو پیش کرنے کا بھی مطالبہ کیا ہے۔ذرائع کے مطابق اجلاس میں پیش کی جانے والی قرارداد پر پانچ اراکین کے دستخط ہیں، اجلاس میں گورننگ بورڈ کے پانچ اراکین کے احتجاج کرنے پر تلخی بھی ہوئی۔گورننگ بورڈ کے اراکین نے مطالبات ماننے تک بورڈ کے اجلاس کا بائیکاٹ جاری رکھنے کی دھمکی دی ہے۔کوئٹہ میں گورننگ بورڈ کے اجلاس میں 7 میں سے 5 ارکان کا بورڈ کے ایجنڈے کو ماننے سے صاف انکار کا سیدھا مطلب چیئرمین پی سی بی احسان مانی کے خلاف عدم اعتماد کے مترادف ہے۔یہ واضح کررہا ہے کہ بطور چیئرمین پی سی بی احسان مانی کرکٹ معاملات کو چلانے میں مکمل طور پر ناکام ثابت ہوئے ہیں۔پی سی بی گورننگ بورڈ میں یہ پہلا موقع ہے ،جب چیئرمین پی سی بی کے فیصلوں کے آگے بورڈ ارکان ڈٹ گئے اور انہوں نے چیئرمین کے تمام فیصلوں کو باقاعدہ تسلیم کرنے سے انکار کردیا۔پی سی بی کے آئین کے مطابق اکثریتی اراکین کے فیصلے کو تسلیم کیا جاتاہے۔بورڈ کے فیصلے تبدیل نہیں ہوں گے کوئٹہ میں میڈیا سے گفتگو کرتے ہوئے احسان مانی نے کہا کہ پی سی بی اجلاس میں ایجنڈے پر آئے تو5 ارکان نے 6 نکاتی قرار داد پیش کی، ایم ڈی پی سی بی وسیم خان کی تعیناتی بورڈ آف گورنرز کا فیصلہ تھا، بورڈ کے جو فیصلے ہوچکے وہ تبدیل نہیں ہوں گے اور کوئی پی سی بی بورڈ کا اجلاس ہائی جیک نہیں کرسکتا۔چیئرمین پی سی بی نے کہا کہ کرکٹ میں اصلاحات کو کوئی نہیں روک سکتا، ہم نے شروع سے کہا ہے کرکٹ کو بہتر کریں گے، کسی کو غلط فہمی نہیں ہونی چاہیے کہ ڈومیسٹک کرکٹ میں کوئی رکاوٹ آئے گی، ہمیں صرف کرکٹ کے بارے میں سوچنا چاہیے،کسی کا سیاسی ایجنڈا نہیں ہونا چاہیے۔احسان مانی نے مزید کہا کہ پہلے پلان تھا 6 یا 8 ریجنز کھیلیں گے، اب یہ ہے کہ صوبے کھیلیں گے، کرکٹ کے اسٹرکچر میں پہلے سے زیادہ فرق نہیں ہوگا البتہ اب لوگوں کیذاتی مفادات ختم ہوجائیں گے۔چیئرمین پی سی بی نے کہا کہ بورڈ کا کام نفرت کو پھیلا نا نہیں ہے، اراکین غلط بیانی کررہے ہیں، ارکان کا اپنا ایجنڈا تھا، ہمیں پاکستان کرکٹ کی بہتری کیلئے کام کرناہے۔انہوں نے کہا کہ بورڈ کا کام گرانڈ بنانا نہیں ہوتا، بورڈ کا کام ٹیکنیکل سپورٹ دینا ہے، انفرا اسٹرکچر بنانا حکومت کا کام ہے، ناراض اراکین کی سفارشات نامناسب ہیں۔پاک بھارت کرکٹ سے متعلق سوال پر احسان مانی کا کہنا تھاکہ بھارت سے کرکٹ کھیلنے کا مسئلہ سیاسی ہے، اگر بھارت ہم سے کرکٹ کھیلنا چاہتے ہیں تو ہم بھی کھیلیں گے۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.