کراچی ڈپٹی میئیر کے الیکشن میں ایم کیو ایم کامیاب

پاکستان تحریک انصاف کے حمایت یافتہ ایم کیو ایم رہنما ارشد حسین ڈپٹی میئیر کے الیکشن میں کامیاب

عثمان خادم کمبوہ جمعرات 18 اپریل 2019 19:05

کراچی ڈپٹی میئیر کے الیکشن میں ایم کیو ایم کامیاب

کراچی(اردو پوائنٹ اخبار تازہ ترین۔18اپریل2019ء) ایم کیو ایم رہنما ارشد حسین 200سے زائد ووٹ حاصل کر کے کراچی کے ڈپٹی میئیر منتخب ہو گئے ہیں۔ جمعرات کے روز کراچی میں ڈپٹی میئیر کے لیے انتخابات ہوئے جن میں غیر حتمی نتائج کے مطابق پاکستان تحریک انصاف اور جمیعتِ علماءِ اسلام کے حمایت یافتہ ایم کیو ایم رہنما ارشد حسین نے کامیابی حاصل کر لی ہے۔

غیرحتمی نتائج کے مطابق ارشد حسین نے 210ووٹ حاصل کیے جبکہ ان کے مخالف پاکستان پیپلز پارٹی کے کرم اللہ 78ووٹ حاصل کر سکے۔

(جاری ہے)

اس موقعہ پر ایم کیو ایم رہنما اور میئیر کراچی خالد مقبول صدیقی کا کہنا تھا کہ ہم اس شہر کو عظیم بنائیں گے۔ کراچی مین ڈپٹی میئیر کی سیٹ سابق دپٹی میئیر ارشد وہرا کے ناہل قرار دیے جانے کے بعد خالی ہوئی تھی جس پر جمعرات کے روز دوبارہ الیکشن ہوا اور ایم کیو ایم رہنما ارشد حسین کامیاب ہو گئے ہیں۔