وزیراعلیٰ عثمان بزدار کا سنٹرل جیل کا دورہ ،قیدیوں میں سزا میں 2ماہ کمی کا اعلان

لاہور(اُردو پوائنٹ اخبارتازہ ترین - این این آئی۔ 19 اپریل2019ء) وزیراعلیٰ پنجاب عثمان بزدارنے قیدیوں کی سزا میں دو ماہ کی کمی کا اعلان کیا ہی- وزیراعلیٰ پنجاب سردار عثمان بزدار نے سنٹرل جیل کوٹ لکھپت میں ٹیکنیکل ٹریننگ سنٹر،خواتین قیدیوں کے لئے مخصوص ڈائننگ ہال ، قیدیوں کے ڈیٹا کو آن لائن کرنے کے سسٹم اور اینٹی گریٹڈسکیورٹی سسٹم کا افتتاح کیا-جس کے تحت قیدیوں کے بارے میں تمام معلومات آن لائن ہوں گی-وزیراعلیٰ کو آن لائن ڈیٹا سسٹم کے افتتاح کے بعد کنٹرول روم میں نئے سسٹم کے بارے میںتفصیلی بریفنگ دی گئی-وزیراعلیٰ عثمان بزدار نے اس موقع پر گفتگو کرتے ہوئے کہاکہ قیدیوں کے آن لائن ڈیٹا سسٹم کو دیگر جیلوں میں بھی متعار ف کرایاجائے گا-صوبے بھر کی جیلوںمیں ہائی سکیورٹی پریزن سسٹم نافذ کیا جا رہاہی-پنجاب کی 9سنٹرل اور 8ڈسٹرکٹ جیلوں میں ہائی سکیورٹی پریزن نظام متعارف کرایا جا چکا ہی-دیگر جیلو ںمیں بھی یہ سسٹم کو جلد متعارف کرایا جائے گا -وزیراعلیٰ نے شجرکاری مہم کے تحت جیل میں پودا بھی لگایااور مہم کی کامیابی کے لئے دعا مانگی -وزیراعلیٰ نے جیل کے کچن کا معائنہ کیا اور قیدیوں کیلئے تیار کی جانے والی روٹی اور سالن خود کھا کر معیار چیک کیا- صوبائی وزراء نے بھی قیدیوں کے لئے تیار کیا جانے والاکھاناکھایا-بعدازاں وزیراعلیٰ نے خواتین قیدیوں کے لئے مخصوص ڈائننگ ہال کا افتتاح کیا-وزیراعلیٰ نے خواتین قیدیوں کے طبی سنٹر کا بھی معائنہ کیااورعلاج معالجے کی سہولتوں کاجائزہ لیا- وزیراعلیٰ نے خواتین قیدیوں میں تحائف تقسیم کئے -وزیراعلیٰ نے خواتین قیدیوں کے بچوں کے لئے ڈے کیئر سنٹر کا بھی دورہ کیا -وزیراعلی نے سنٹر میں موجود بچوں سے ہاتھ ملایا او رانہیں پیار کیا-انہوںنے جیل انتظامیہ کو ہدایت کی کہ قیدی خواتین کے بچوں کا ہر طرح سے خیال رکھا جائے اوران کو دودھ، بسکٹ اور سویٹس بھی مہیا کی جائیں-وزیراعلیٰ نے خواتین قیدیوں کے ٹیکنیکل ٹریننگ سنٹر کا دورہ کیا ، سلائی کڑھائی کی تربیت حاصل کرنے والی خواتین قیدیوں سے ان کے مسائل دریافت کئی-وزیراعلیٰ نے لیڈیز بیرکس کے دورے کے دوران خواتین قیدیوں کی درخواست پر بیرکس میں پنکھے لگانے کی ہدایت کی - وزیراعلیٰ نے مرد قیدیو ںکے لئے ٹیکنیکل ٹریننگ سنٹر کا افتتاح کیا-وزیراعلیٰ نے مرد قیدیوں کی بیرکس کا بھی دورہ کیا-وزیراعلیٰ نے قیدیوں سے ان کے مسائل کے بارے میں دریافت کیا -وزیراعلیٰ نے قیدیوں میں تحائف بھی تقسیم کئی-صوبائی وزراء زوار حسین وڑائچ، آصف نکئی ، شوکت لالیکا، اخلاق چودھری، حافظ ممتاز احمد، اجمل چیمہ ، صوبائی مشیران فیصل ریاض جبوانہ، عون چودھری ، پارلیمانی سیکرٹری شکیل شاہد، آئی جی جیل خانہ جات او رمتعلقہ حکام بھی اس موقع پر موجود تھے۔