پاکستان اسٹاک ایکس چینج میں زبردست تیزی کا رجحان ، سرمایہ کاری مالیت میں84کروڑ60لاکھ 62ہزارروپے سے زائدکا اضافہ

جمعہ اپریل 23:47

پاکستان اسٹاک ایکس چینج میں زبردست تیزی کا رجحان ، سرمایہ کاری مالیت ..
کراچی (اُردو پوائنٹ اخبارتازہ ترین - این این آئی۔ 19 اپریل2019ء) پاکستان اسٹاک ایکس چینج میںجمعہ کو زبردست تیزی کا رجحان دیکھنے میں آیا اور سرمایہ کاروں کی جانب سے منافع بخش کمپنیوں کے حصص کی بھرپور خریداری کے باعث کے ایس ای100انڈیکس 480.61پوائنٹس کے اضافے سی37292.47پوائنٹس کی سطح پر پہنچ گیا جب کہ 72.15فیصد حصص کی قیمتوں میںاضافہ ریکارڈکیا گیا جس کے نتیجے میںمارکیٹ کی سرمایہ کاری مالیت میں84کروڑ60لاکھ 62ہزارروپے سے زائدکا اضافہ ہوا۔

البتہ کاروباری حجم جمعرات کی نسبت17.98فیصدکم رہا۔گزشتہ روز کاروبار کا آغاز مثبت زون میں ہوا ۔اور سرمایہ کاروں کی جانب سے وزیر خزانہ عبدلحفیظ شیخ کے بطور مشیر خزانہ تقرر اور چین سے پاکستانی درآمد کنندگان کو رعائت ملنے پر مثبت ریسپانس دیتے ہوئے حصص خریداری میں دلچسپی دیکھنے میں آئی جس کے نتیجے میں ٹریڈنگ کے دوران ایک موقع پرکے ایس ای100انڈیکس37728پوائنٹس کی بلند سطح پرپہنچ گیا تاہم بعد میں منافع حاصل کرنے کی عرض سے حصص فروخت کا رجحان شروع ہونے سے مزکورہ حد برقرار نہ رہ سکی لیکن مجموعی طور پر معمولی تیزی غالب رہی اورمارکیٹ کے اختتام پر کے ایس ای100انڈیکس 480.61پوائنٹس کے اضافے سی37292.47پوائنٹس پر بندہوا۔

(جاری ہے)

اسی طرح کے ایس ای30انڈیکس280.84پوائنٹس اضافے سی17739.37پوائنٹس،کے ایم آئی30انڈیکس652.66پوائنٹس اضافی سی60944.40پوائنٹس جبکہ کے ایس ای آل شیئر انڈیکس324.64پوائنٹس کے اضافے سی27229.21 پوائنٹس پربندہوا ۔ گزشتہ روزمجموعی طور پر334کمپنیوں کے حصص کا کاروبار ہوا،جن میں سی241کمپنیوں کے حصص کے بھاؤمیں اضافہ،78کمپنیوں کے حصص کے بھاؤ میں کمی جبکہ15کمپنیوں کے حصص کے بھاؤ میں استحکام رہا۔

سرمایہ کاری مالیت میں84کروڑ60لاکھ 62ہزارروپے کا اضافہ ہواجس کے نتیجے میں سرمایہ کاری کی مجموعی مالیت بڑھ کر75کھرب69 ارب33 کروڑ85لاکھ روپے ہوگئی۔جمعہ کومجموعی طور پر17کروڑ73لاکھ 55ہزار شیئرز کا کاروبار ہو اجوجمعرات کی نسبت 3کروڑ88 لاکھ92ہزارشیئرز کم ہیں۔ قیمتوں کے اتار چڑھاؤ کے حساب سے نیسلے پاک کے حصص سرفہرست رہے جس کے حصص کی قیمت 360.50روپے اضافے سی7900روپے اوررفحان میظ کے حصص کی قیمت196روپے اضافے سی7195روپے پر بند ہوئی۔

نمایاں کمی ہینو پاک موٹر کے حصص میں ریکارڈکی گئی جس کے حصص کی قیمت20.58روپے کمی سی391.13روپے اور ماڑی پٹرولیم کے حصص کی قیمت14.62روپے کمی سی1178.96روپے ہوگئی ۔نمایاں کاروباری سرگرمیوں کے لحاظ سے بینک آف پنجاب،کے الیکٹرک،یونٹی فوڈز،پاک الیکٹران ،ورلڈ کال ٹیلی کام ،سوئی ناردرن گیس،پاک انٹر بلک،پایو نیئر سیمنٹ،نیمر ری سنزاور،ٹی آر جی پاکستان کے حصص سرفہرست رہے ۔