چین پاکستانی معیشت کی دیر پا، مستحکم اور متوازن ترقی چاہتا ہے، سی پیک کے اگلے مرحلے میں پاکستان میں زراعتی ٹیکنالوجی، سماجی شعبے، افرادی قوت کی تیاری اور صنعتی ترقی کو ہدف بنایا جائے گا
چینی سفیر یاؤ جنگ کا سی پیک کی چار سال کی تکمیل پر کامیابیوں، چیلنجز اور مستقبل کے امکانات بارے سیمینارسے خطاب
جمعہ 19 اپریل 2019 23:51
(جاری ہے)
چینی سفیر یاؤ جنگ نے اپنے خطاب میں کہا کہ سی پیک کے زیر اہتمام گزشتہ چار سال میں 22 میں سے 11 منصوبے مکمل ہو چکے ہیں بقیہ 11 بھی جلد مکمل ہو جائیں گے۔
سی پیک کے تحت چین پاکستان میں 62 ارب ڈالر خرچ کر رہا ہے۔ انہوں نے کہا کہ سی پیک پر گفتگو کرتے ہوئے عموماً ماہرین بڑے بڑے منصوبوں کا ذکر کر تے ہیں لیکن سی پیک کے تحت بے شمار چھوٹے چھوٹے منصوبے بھی بنائے گئے ہیں جیسے کہ سی پیک کا پہلا چھوٹا منصوبہ گوادر میں بنایا گیا ایک اسکول ہے جو 2015 میں مکمل ہوا جہاں اس وقت 500 بچے زیر تعلیم ہیں۔ سی پیک کے تحت پاکستان میں توانائی کی پیداوار کو اہمیت دی گئی ہے پاکستان میں تین بڑے منصوبے گوادر ساہیوال اور عظیم پور میں زیر تکمیل ہیں۔ 2018 میں پاکستان میں انتخابات کے نتیجہ میں آنے والی حکومت کی ترجیحات کی روشنی میں زرعی ٹیکنالوجی، انسانی وسائل کی ترقی، سوشل سیکٹر اور صنعتی ترقی کو سی پیک منصوبوں میں شامل کیا گیا ہے۔ انہوں نے کہا کہ پاکستان چین کا قابل اعتماد دوست ہے ہمارے تعلقات غیر معمولی ہیں اور پاکستان کی اقتصادی ہماری ترجیح ہے۔ اس وقت پاکستان کے بیس ہزار طلباء و طالبات چائنیز اسکالر شپ پر چائنہ میں تعلیم حاصل کر رہے ہیں اور اس تعداد کو بڑھایا جا رہا ہے۔ قبل ازیں سابق وزیر دفاع جناب جنرل (ر) نعیم خالد لودھی نے کہا کہ سی پیک قدیم چینی فلسفہ خوشحالی میں پڑوسیوں کو شریک کریں کا مظہر ہے اور پاکستان کی اقتصادی ترقی کی بنیاد ہے لیکن ہمیں تیار رہنا چاہیئے کہ اس منصوبے کی ہر سمت اور ہر سطح پر مزاحمت ہو گی، ملک کے اندر، ملک کے باہر، حتیٰ کے ساری دنیا سے اقتصادی اور فوجی طور پر بھی مزاحمت ہو گی۔ ہمیں اس کے لئے تیار رہنا چاہیئے اور سی پیک کو کامیابی سے ہمکنار کرانا ہے۔ آئی پی ایس کے سینئر ریسرچ فیلو تجمل الطاف نے اپنے خطاب میں کہا کہ سی پیک قائد اعظم کے وژن کی تکمیل ہے، قائد اعظم نے جنوری 1948میں شائع ہونے والے ایک انٹرویو میں فرمایا تھا کہ پاکستان کا مستقبل اس خطے کے اقوام اور ممالک کے ساتھ منسلک ہے۔ سی پیک چین کا پاکستان پر اعتماد کا ووٹ ہے یہ ایک تزویراتی شراکت ہے، سی پیک اور بی آر آئی پوری دنیا کا منظر نامہ تبدیل کر رہے ہیں اور دنیا کے تقریباً 70 ممالک کو اس سے فائدہ پہنچے گا جبکہ پاکستان اس منصوبے کی مخالفت میں پڑوسیوں کی جانب سے چو مکھی جنگ کا نشانہ بنا ہوا ہے لیکن سی پیک کے تمام منصوبے ثقافتی، فنی اور ترقیاتی سب کامیاب ہو ںگے۔ سیمینار سے آئی پی ایس کے سینئر فیلو اور سابق سیکرٹری وفاقی حکومت حامد حسن نے خطاب کرتے ہوئے کہا کہ سی پیک کی کامیابی تمام اقوام عالم کے مفاد میں ہے اس سے پورے خطے میں تبدیلیاں آئیں گی۔ سیمینار کے میزبان اور سی پیک فورم کے چیئرمین ارشد قائم خانی نے سیمینار کا تعارف کراتے ہوئے کہا کہ سی پیک پاکستان کا تیسرا قومی منصوبہ ہے جو ہر قسم کے اختلافات سے بالا ہے۔سیمینار کے آخر میں مقررین نے شرکاء کے سوالات کے جوابات بھی دیئے۔مزید قومی خبریں
-
لاہور،اچھرہ بازار واقعہ میں ملوث 4 ملزمان کا 3 روزہ جسمانی ریمانڈ منظور
-
وزیرصحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
پنجاب میں گراں فروشوں کیخلاف کریک ڈائون جاری، 3288افرادگرفتار، 1181مقدمات درج
-
پرویزالٰہی سمیت پانچ امیدواروں کے ضمنی انتخابات کیلئے کاغذات نامزدگی کی درخواستوں پر تحریری فیصلہ جاری
-
جلائوگھیرائو مقدمات، اسد عمر سمیت 79ملزمان کی عبوری ضمانت میں توسیع
-
لاہور ہائیکورٹ نے پنجاب کے 67 سرکاری پراسیکیوٹرز کو جاری شوکاز نوٹسز پر عمل درآمد روک دیا
-
ٹیکنالوجی کی ترقی، چیلنجز سے نمٹنے اور وزارت کی فعالیت بڑھانے کے لیے ٹھوس اقدامات کی ضرورت ہے ، وفاقی وزیر سائنس و ٹیکنالوجی ڈاکٹر خالد مقبول صدیقی کی وزارت کے مختلف ونگز کے سربراہان سے گفتگو
-
سرداراویس احمد خان لغاری کو وزارت توانائی کا قلمدان تفویض کرنا وزیر اعظم کا ان پر بھرپور اعتماد کامظہرہے
-
جلا ئوگھیرا ئومقدمات،اسد عمر سمیت 79ملزمان کی عبوری ضمانت میں 20اپریل تک توسیع
-
نوازشریف کا ماہ صیام کے آخری عشرے میں سعودیہ، لندن جانے کا امکان
-
پی ٹی آئی رہنما اسد عمرسمیت79 ملزمان کی عبوری ضمانت پر سماعت ملتوی
-
سیالکوٹ پولیس کی کارروائی میں بدنام زمانہ خطرناک ڈاکو مال مسروقہ سمیت گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.