Live Updates

غیر ضروری درآمدات کی حوصلہ شکنی خوش آئند،تجارتی خسارے میں 6 ارب ڈالر کی کمی ہو گی

غیر ضروری درآمدات پر ریگولیٹری ڈیوٹی بڑھانے کے بجائے مکمل پابندی عائد کی جائے تومزید زر مبادلہ بچایا جا سکتا ہے جس سے مقامی صنعت کی ترقی اور روزگار کے نئے مواقع پیدا ہوں گے سرپرست اسلام آباد چیمبر آف سمال ٹریڈرز شاہد رشید بٹ

ہفتہ اپریل 14:51

غیر ضروری درآمدات کی حوصلہ شکنی خوش آئند،تجارتی خسارے میں 6 ارب ڈالر ..
اسلام آباد (اُردو پوائنٹ اخبارتازہ ترین - اے پی پی۔ 20 اپریل2019ء) اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ حکومت کی جانب سے غیر ضروری درآمدات کی حوصلہ شکنی خوش آئند ہے جس سے رواں سال تجارتی خسارے میں 6 ارب ڈالر کی کمی ہو گی، غیر ضروری درآمدات پر ریگولیٹری ڈیوٹی بڑھانے کے بجائے مکمل پابندی عائد کی جائے تومزید زر مبادلہ بچایا جا سکتا ہے جس سے مقامی صنعت کی ترقی اور روزگار کے نئے مواقع پیدا ہوں گے۔

ان خیالات کا اظہار انھوں نے ہفتے کو اپنے ایک بیان میں کیا۔انھوں نے کہا کہ اشیائے تعیش اور درآمدی اشیاء کا استعمال رتبے اور مرتبے کی علامت بن چکا ہے جس کی وجہ سے ان کی درآمد و سمگلنگ جاری ہے جس نے ملکی معیشت کو کمزور کر دیا ہے، خوشحال طبقے کو اپنا طرز زندگی تبدیل کرنا اور ملکی پیداوار استعمال کرنا ہوگی ورنہ قرضے بڑھتے رہیں گے ۔

(جاری ہے)

انھوں نے کہا کہ موجودہ بارشوں سے کسانوں کو نقصان ہوا ہے، انھیں ریلیف فراہم کرنے کے اقدامات کیے جائیں۔ انہوں نے کہا کہ 95 فیصد وسائل پر ان لوگوں کا قبضہ ہے جو2 فیصدسے کم پرسنل ٹیکس ادا کرتے ہیں،حقیقی تبدیلی کے لئے امیروں سے ٹیکس لے کر غریبوں پر خرچ کرنا ہو گا۔ پی ٹی آئی نے 2012ء میںجس ٹیکس پالیسی کا اعلان کیا تھا اس پر عمل درآمد کیا جائے تو ملکی معیشت کی ترقی کا عمل شروع ہو جائے گا۔
ڈالر بے قابو سے متعلق تازہ ترین معلومات

متعلقہ عنوان :