دنیابھر میں استعمال کی جانے والی 10 عجیب و غریب چائے
امین اکبر ہفتہ 20 اپریل 2019 23:48
ساری دنیا میں لوگ چائے کا بہت زیادہ استعمال کرتے ہیں لیکن جس کثرت سے برصغیر میں اس کا استعمال کیا جاتا ہے اس سے لگتا ہے کہ یہاں کے لوگ چائے پر ہی چلتے ہیں۔ یہاں ہر گلی کے کونے میں ایک چائے والا ہے۔ کوئی آفس میٹنگ ہو یا مہمانوں کی خاطر مدارت، چائے کے بغیر کچھ بھی مکمل نہیں ہوتا۔لیکن دنیا میں پاکستان کی طرح تیز پتی یا زیادہ ملائی والی چائے ہی نہیں پی جاتی۔
ان کے علاوہ بھی چائے کی بہت سی اقسام ہیں ، جن میں سے بہت سی عجیب و غریب ہوتی ہیں۔آئیے آپ کو دنیا بھر میں پی جانے والی چند عجیب و غریب چائے کے بارے میں بتائیں۔1. پانڈا کے فضلے سے کاشت کی جانے والی چائے۔ چین کے صوبے سیچوان میں صرف پانڈا کےفضلے سے ایک چائے کاشت کی جاتی ہے۔ یہ دنیا کی سب سے مہنگی چائے ہوتی ہے۔
(جاری ہے)
پانڈا کے فضلے سے کاشت کی جانے والی اس ایک گرام چائے کی قیمت 70 ڈالر یا تقریبا ً 10 ہزار روپے ہوتی ہے۔
2. ٹماٹر، پودینے اور سیاہ پتی کی چائے۔ اس چائے کو پینے والے بتاتے ہیں کہ اس کا ذائقہ سوپ کی طرح کا ہوتا ہے۔
3. برصغیر سمیت دنیا کے کئی ممالک میں ادرک کی چائے بھی استعمال کی جاتی ہے۔ادرک کی چائے کو صحت کے لیے کافی مفید سمجھا جاتا ہے۔
4. حشرات کے فضلے سےبنی چائے۔ پانڈا کے فضلے میں کاشت کی جانے والی چائے کے برعکس یہ چائے حشرات کا فضلہ ہوتی ہے۔ یہ چائے گندم کو کھانے والے ایک مخصوص لاروے کے فضلے سے بنائی جاتی ہے۔ اس کی تیاری کے لیے لاروے کو صرف خصوصی نامیاتی چائے کے پتے کھلائے جاتے ہیں۔
5. پھپھوندی کے الکلانڈ زدہ مشروم تخیل کو تیز کرتے ہیں۔ یہ ایک کیمیائی نشہ بھی ہوجاتا ہے، جس کا استعمال غیر قانونی ہے۔ دنیا کے کئی علاقوں میں اس سے بنی چائے بھی استعمال کی جاتی ہے۔
6. چمکتی چائے۔ یہ چائے بوتل کی چائے میں کاربونیٹس شامل کر کے بنائی جاتی ہے۔ اسے ٹھنڈا ہی استعمال کیا جاتا ہے۔
7. پو-ارہ (Pu-Erh) چائے۔ یہ خمیر زدہ چائے کی ایک قسم ہے۔ یہ سبز رنگ کی ہوتی ہے اور چین میں زیادہ استعمال ہوتی ہے۔
8. کومبوچا چائے۔ یہ چائے حالیہ سالوں میں کافی مقبول ہو رہی ہے۔ اسے خمیر زدہ سیاہ چائے کے پتوں اور بیکٹریا سے بنایا جاتا ہے۔
9. سالویا چائے۔ یہ ایک ہیلو سی نوجن ہے۔ یہ ایک کیمیائی مادہ جیسے ایل ایس ڈی کی طرح نشہ آور ہوتی ہے۔ اسے میکسیکو میں روحانی تقاریب میں استعمال کیا جاتا ہے۔ دنیا کے کئی ممالک میں اس پر پابندی ہے۔
10. خمیر زدہ یاک کے مکھن کی چائے۔ یہ چائے عام چائے، یاک کے مکھن اور نمک کو مکس کر کے بنائی جاتی ہے۔ اس کی تیاری میں آدھا دن لگ جاتا ہے۔ یہ نیپال، بھوٹان، بھارت اور تبت میں کافی مقبول ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.