سعودی عرب میں ایک پولیس سٹیشن پر حملے میں 4افراد جاں بحق

حملہ آوروں نے صوبہ ریاض کے علاقے زلفی میں مشین گنز اور بموں سے پولیس چوکی پر حملہ کر دیا

Usman Khadim Kamboh عثمان خادم کمبوہ اتوار اپریل 15:57

سعودی عرب میں ایک پولیس سٹیشن پر حملے میں 4افراد جاں بحق
ریاض (اردوپوائنٹ اخبار تازہ ترین۔21اپریل2019ء) سعودی عرب کے صوبہ ریاض کے نواحی علاقے زلفی میں موجود پولیس سٹیشن پر شدت پسندوں کے حملے میں 4 افراد جاں بحق ہو گئے ہیں۔ ابھی تک اس حوالے سے تصدیق نہیں کی جا سکی کہ مرنے والوں میں پولیس والے کتنے شامل ہیں اور کتنے شدت پسند شامل ہیں۔ ایک وڈیو جس کی ابھی تک تصدیق نہیں کی جا سکی ، میں ایک پولیس چوکی پر ایک گاڑی دیکھی جا سکتی ہے جس کے دروازے کھلے ہیں اور اس میں خون میں لت پت دو لاشیں نظر آرہی ہیں، وڈیو میں گولیوں کے چلنے کی آوازیں بھی سنی جا سکتی ہیں۔

سعودی نیوز چینل کے مطابق یہ حملہ سعودی عرب کے صوبہ ریاض کے علاقے زلفی میں ایک پولیس سٹیشن پر ہوا۔ سعودی خبر رساں ایجنسی کے مطابق حملہ آوروں نے مشین گن اور بموں سے پولیس چوکی پر حملہ کیا۔

(جاری ہے)

سعودی عرب میں شدت پسندوں کی جانب سے کئی بار سرکاری سکیورٹی اداروں کو نشانہ بنایا جا چکا ہے حالانکہ سعودی عرب کئی سال پہلے اپنے ملک سے القاعدہ کو نکال چکا ہے البتہ ابھی بھی سعودی عرب میں شدت پسند موجود ہیں جو اکثر ایسے حملے کرتے رتے ہیں۔

گزشتہ سال بھی طائف میں ایک پولیس چوکی پر حملہ کیا گیا تھا جس میں ایک بنگلا دیشی شہری اورایک پولیس اہلکار جاں بحق ہو گئے تھے۔ سعودی وزارتِ داخلہ نے اس حواے سے ابھی تک کوئی بیان جاری نہیں کیا اور نہ ہی خبر رساں ادارے کی جانب سے رابطہ کرنے پر اس معالے کی تصدیق یا تردید کی ہے۔