عثمان بزدار اتنا بھی سیدھا نہیں جتنا ہم نے سمجھا ہوا ہے،شیخ رشید

لاہور(اردوپوائنٹ اخبارتازہ ترین۔21 اپریل 2019ء) وفاقی وزیر ریلوے شیخ رشید نے کہا ہے کہ عثمان بزدار اتنا بھی سیدھا نہیں جتنا ہم نے سمجھا ہوا ہے، عثمان بزدار سے متعلق عمران خان سے پوچھا تو انہوں نے کہا بزدار شریف آدمی ہیں، میں نے عثمان بزدار کیساتھ سفرکیا، وہ اتنے بھی سادہ نہیں جتنا ہم نے سمجھا ہوا ہے۔ انہوں نے نجی ٹی وی سے گفتگو کرتے ہوئے کہا کہ  اب ایسے حالات ہیں کہ وزیراعظم ہاؤس زیادہ جاؤں گا۔

کابینہ میں تبدیلی کا فیصلہ عمران خان نے کیا ہے۔ فواد چودھری اچھے وزیراطلاعات تھے۔ مجھ سے بہترکارکردگی دکھا رہے تھے۔ انہوں نے کہا کہ چودھری نثارسے میری ملاقات نہیں ہوئی۔ شیخ رشید نے کہا کہ عثمان بزدار سے متعلق حالیہ خبروں پرعمران خان سے پوچھا ہے۔

(جاری ہے)

عمران خان نے جواب دیا بزدار شریف آدمی ہیں اس لیے ان کے حوالے سے ایسی خبریں چل رہی ہیں۔

میں نے عثمان بزدار کیساتھ سفرکیا ہے۔ وہ اتنے بھی سادہ نہیں جتنا ہم نے سمجھا ہوا ہے۔ شیخ رشید نے کہا کہ میں سابق وزیر خزانہ اسد عمر کو منانے کی کوشش کروں گا کہ وہ دوبارہ کابینہ کا حصہ بنیں چاہئے کوئی بھی میری اس کوشش سے ناراض ہو میں کوشش ضرور کروں گا اس ملک میں قابل لوگوں کی کمی ہے اسد عمر سمیت کابینہ اراکین کی تبدیلی مکمل طورپر وزیراعظم کا اپنا فیصلہ تھا اس فیصلے میں کسی اور کا کردار نہیں تھا۔

انہوں نے کہا کہ فواد چوہدری اچھے وزیر اطلاعات تھے اور مجھ سے بہتر کارکردگی دکھا رہے تھے لیکن میڈیا ہاؤسز ان کے خلاف تھے ہم وزیراعظم عمران خان کے فیصلوں کی مکمل حمایت کرتے ہیں عوام وزیراعظم عمران خان کی وجہ سے نہیں بلکہ آصف زرداری اور شریف برادران کی ڈکیتیوں کی وجہ سے مایوس ہیں۔ شیخ رشید احمد نے کہا کہ اگر تحریک انصاف اپنے گندے کپڑے گھر میں ہی دھوئے تو وہ اگلے 10 برس حکومت میں رہ سکتی ہے چوہدری نثار کو وزیراعلیٰ پنجاب بنائے جانے کے سوال کا جواب دیتے ہوئے شیخ رشید نے کہا کہ وزیراعظم عمران خان وزیراعلیٰ پنجاب عثمان بزدار کے ساتھ ہیں عمران خان کا کہنا ہے کہ وہ عثمان بزدار شریف آدمی ہیں۔

صدارتی نظام کے نفاد کے حوالے سے سوال پر شیخ رشید نے کہا کہ پاکستان کے مسائل کا واحد حل پارلیمانی نظام میں ہے۔