ورلڈ کپ جیتنے کی گارنٹی نہیں دے سکتے، مکی آرتھر

 مکی آرتھر نے کہا کہ ہماری ٹیم متوازن ہے اور انہیں حفیظ اور شعیب ملک کی باولنگ پربھرپور اعتماد ہے، انہوں نے بتایا کہ محمد حفیظ نے ٹریننگ میں بھی بہترین کارکردگی دکھائی ہے جس پر وہ خوشی ہیں۔

(جاری ہے)

ایک سوال کے جواب میں کوچ مکی آرتھر نے کہا کہ ہماری ٹیم نے بہترین تیاری کی ہے لیکن ورلڈ کپ جیتنے کی گارنٹی نہیں دی جا سکتی۔

انہوں نے کہا کہ ہماری نظر سیمی فائنل پر ہے اور ہماری پہلی ترجیح ٹاپ فور میں پہنچنے پر ہے۔ انہوں نے کہا کہ اسکواڈ میں گیارہ کھلاڑی وہ ہیں جو چیمپینز ٹرافی کھیلے ہوئے ہیں اور تین کھلاڑی انگلینڈ کی کنڈیشنز سے ناواقف ہیں، ہمارے ذہن میں ہے کہ ورلڈ کپ میں ہمارا کیا اسکواڈ ہوگا۔انہوں نے کہا کہ پاکستان ٹیم کا شمار ان تین چار ٹیموں میں ہوتا ہے جس نے آئی سی سی کے تمام ایونٹ جیتے ہوئے ہیں اور قومی ٹیم ورلڈ کپ جیتنے کی اہلیت اور صلاحیت رکھتی ہے۔

انہوں نے ایک سوال کے جواب میں کہا کہ ورلڈ کپ میں میری نظر میں کوئی ایک نہیں بلکہ تمام کھلاڑی ٹرمپ کارڈ ہوں گے، مجھے پوری امید ہے شاداب خان ورلڈ کپ میں ٹیم کا حصہ ہوگا۔ انہوں نے ایک اور سوال کے جواب میں کہا کہ ٹیم کے انتخاب میں میری رائے ہمیشہ شامل رہی ہے۔