ہاتھوں کے بغیر پیدا ہونے والی 10 سالہ لڑکی نے لکھائی کا مقابلہ جیت لیا
امین اکبر پیر 22 اپریل 2019 23:17
10 سالہ سارا ہنسلے کو سمجھ نہیں آ رہی کہ اُن کی نیشنل ہینڈ رائٹنگ کے مقابلے میں جیت کیوں اہم ہے۔
وہ پینٹنگ اور ڈرائنگ کرتی ہیں۔ مٹی کے مجسمےبناتی ہیں۔ وہ انگریزی اور کچھ منڈارین زبان میں لکھ سکتی ہیں۔ حیرت کی بات یہ ہے کہ سارا ہاتھوں کے بغیر پیدا ہوئی تھیں۔
سارا کی تیسرے درجے کی استانی شیرل نے بتایا کہ انہوں نے سارا کو کبھی یہ کہتے نہیں سنا کہ ”میں نہیں کر سکتی“۔
سارا فریڈرک، میری لینڈ کے جونز ریجنل کیتھولک سکول میں تیسرے درجے کی طالبہ ہیں۔ انہوں نے حال ہی میں شکستہ خط کے لکھائی کے مقابلے 2019 نکولس میکسم میں ایوارڈ جیتا ہے۔ یہ ایوارڈ ہر سال دو طالب علموں کو دیا جاتا ہے۔ ان میں سے ایک ایوارڈ پرنٹنگ کی لکھائی کے لیے اور دوسرا مسودے کی لکھائی کے لیے دیا جاتا ہے۔
(جاری ہے)
سارا کی والدہ کیتھرائن ہنسلے نے بتایا کہ سارا کو مصنوعی ہاتھ لگانا پسند نہیں۔ جب سارا کو کچھ کاموں کے لیے اوزار دئیے جاتے ہیں تو بھی وہ انکار کر دیتی ہیں۔ سارا خود اپنے طریقوں سے ہی اپنے کام کرتی ہیں۔
لکھنے کے لیے سارا اپنے بازؤں کے بیچ میں پنسل پکڑتی ہیں اور پھر الفاظ کے شکلوں پر توجہ مرکوز کر دیتی ہیں۔ سارا کا کہنا ہے کہ خط شکستہ میں لکھنا تخلیقی کام کرنے کی طرح ہے۔
سارا آج سے 4 سال پہلے چین سے امریکا آئیں تھیں تاکہ اپنے نئے خاندان کا حصہ بن سکیں۔ جب وہ جولائی 2015 میں امریکا آئیں تھی تو وہ منڈارین بول اور لکھ سکتی تھیں۔ سارا نے اپنی بہن ویرونیکا کی مدد سے جلد ہی انگریزی سیکھ لی۔
اپنے فارغ اوقات میں سارا ڈرائنگ کرنا پسند کرتی ہیں۔ انہیں ویرونیکا کے ساتھ کھیلنا اور تیراکی کرنا پسند ہے۔ سارا اپنے سکول کے شطرنج کےکلب میں بھی فعال ہیں۔
سارا کو لکھائی کے مقابلے میں جیتنے والا ایوارڈ 13 جون کو ایک تقریب میں دیا جائے گا۔ اس ایوارڈ کے ساتھ 500 ڈالر کی نقد رقم بھی ہوگی۔ وہ اپنے سکول کی طرف سے یہ ایوارڈ جیتنے والی پہلی طالبہ ہیں۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.