جامعہ کے طالبعلم نے دوستوں کے ساتھ سیلفی بنا کر داخلہ فارم پر لگا دی

ناظم جامعہ نے طالبعلم کی حرکت کا نوٹس لیتے ہوئے کاروائی کا حکم دے دیا

عثمان خادم کمبوہ پیر 22 اپریل 2019 23:54

جامعہ کے طالبعلم نے دوستوں کے ساتھ سیلفی بنا کر داخلہ فارم پر لگا دی

جامشورو(اردوپوائنٹ اخبار تازہ ترین22اپریل2019ء) سندھ یونیورسٹی کے طالب علم فضل الرحمان رند نے یونیورسٹی کے داخلہ فارم پر اپنی تصویر لگانے کی بجائے دوستوں کے ساتھ سیلفی بنا کر لگا دی۔ تفصیلات کے مطابق سندھ یونیورسٹی جامشورو کے طالب علم فضل الرحمان رند نے جغرافیہ کے پانچویں سمیسٹر کے آن لائن داخلہ فارم کو پر کرتے ہوئے اپنی تصویر کی بجائے دوستوں کے ساتھ سیلفی بنا کر لگا دی۔

طالب علم کے امتحانی فارم کی تصویر سوشل میڈیا پر وائرل ہوئی تو یونیورسٹی انتظامیہ نے طالب علم کے خلاف ایکشن لیتے ہوئے ناظم امتحانات روشن پٹھان نے ایکشن لینے کا فیصلہ کر لیا ہے۔ سندھ یونیورسٹی جامشورو کے ترجمان نادر علی مغیرہ نے میڈیا کو بتایا ہے کہ طالب علم نے یونیورسٹی کی ساکھ کو نقصان پہنچانے کی کوشش کی ہے۔

(جاری ہے)

اس لیے طالب علم فضل الرحمان رند کے خلاف ڈسپلن ایگزامینیشن کمیٹی کو رپورٹ کر دی گئی ہے اور طالب علم کے خلاف ایکشن لیا جائے گا۔