Live Updates

پاکستان نے بھی اپنے ایٹم بم عید کیلئے نہیں رکھے محبوبہ مفتی کا مودی کوکرارا جواب

سمجھ میں نہیں آتا کہ نریندر مودی اپنا سیاسی خطاب کیوں تھڑے کی سطح پر لے آتے ہیں‘ سابق وزیراعلیٰ مقبوضہ کشمیر

منگل اپریل 13:07

پاکستان نے بھی اپنے ایٹم بم عید کیلئے نہیں رکھے محبوبہ مفتی کا مودی ..
سری نگر (اُردو پوائنٹ اخبارتازہ ترین - این این آئی۔ 23 اپریل2019ء) مقبوضہ جموں و کشمیر کی سابق وزیراعلیٰ محبوبہ مفتی نے وزیراعظم مودی کو خبردار کیا ہے کہ اگر بھارت کے نیوکلیئر بم دیوالی کیلئے نہیں ہیں تو پاکستان نے بھی اپنے ایٹم بم عید کیلئے نہیں رکھے۔

(جاری ہے)

بھارتی ریاست راجستھان میں ایک جلسے سے خطاب میں مودی نے کہا تھا کہ بھارت پاکستان کے نیوکلیئر ہتھیاروں سے خوفزدہ نہیں، بھارت کے نیوکلیئر ہتھیار دیوالی کیلئے نہیں ہیں۔

اس پر محبوبہ مفتی نے اپنے ردعمل میں کہا کہ جو پاکستان کے پاس ہو گا وہ بھی عید کیلئے نہیں رکھا ہو گا۔ وہ حساب برابر کرنے کیلئے ہے۔ بعدازاں اپنے ٹویٹ میں انہوں نے کہا کہ اگر بھارت کا نیوکلیئر بم دیوالی کیلئے نہیں تو یقیناً پاکستان نے بھی نیوکلیئر بم عید کیلئے نہیں رکھے۔ سمجھ میں نہیں آتا کہ نریندر مودی اپنا سیاسی خطاب کیوں تھڑے کی سطح پر لے آتے ہیں۔
بھارتی انتخابات میں مودی کی برتری سے متعلق تازہ ترین معلومات