چیئرمین بلاول بھٹو نے قومی اسمبلی میں نااہل حکمرانوں کو آئینہ دکھایا، نیر بخاری

آئین، پارلیمنٹ اور جمہوریت میں بھٹو زندہ ہے، ذہنی معذوروں میں بلاول بھٹو کا سامنا کرنے کی ہمت نہیں، بیان

منگل 23 اپریل 2019 13:51

چیئرمین بلاول بھٹو نے قومی اسمبلی میں نااہل حکمرانوں کو آئینہ دکھایا، ..

اسلام آباد (اُردو پوائنٹ اخبارتازہ ترین - این این آئی۔ 23 اپریل2019ء) پاکستان پیپلز پارٹی کے سیکرٹری جنرل نیر بخاری نے کہا ہے کہ چیئرمین بلاول بھٹو نے قومی اسمبلی میں نااہل حکمرانوں کو آئینہ دکھایا۔ایک بیان میں انہوںنے کہاکہ آئین، پارلیمنٹ اور جمہوریت میں بھٹو زندہ ہے۔انہوںنے کہا کہ ذہنی معذوروں میں بلاول بھٹو کا سامنا کرنے کی ہمت نہیں۔

انہوںنے کہا کہ جھوٹ کی دیواروں پر کھڑی حکومت جلد عوامی سونامی میں بہہ جائیگی۔

(جاری ہے)

انہوںنے کہا کہ غیر منتخب شخصیات کی کابینہ میں شمولیت سوالیہ نشان ہے۔انہوںنے کہا کہ وزیراعظم اپنے اراکین پارلیمنٹ کا اعتماد کھو چکے ہیں۔انہوںنے کہا کہ بگڑتی معیشت بری اقتصادی صورتحال کا حل پارلیمنٹ کے پاس ہے۔انہوںنے کہا کہ سیاسی مخالفین کو انتقام کا نشانہ بنا کر اپنی اناء کی وقتی تسکین افسوسناک ہے۔انہوںنے کہا کہ نااہلیت اور سیاسی نابالغی کو چھپانے کیلئے مخالفین پر تنقید خوف کی علامت ہے ۔انہوںنے کہا کہ 10ماہ کے دوران 60فیصد مہنگائی میں اضافہ ہوا۔انہوںنے کہاکہ تبدیلی یہ ہے کہ ملک میں مہنگائی اور عوامی مسائل عروج پر ہیں