قومی اسمبلی ،وزیراعظم کی ایران میں کی گئی تقریر پر اپوزیشن اور حکومتی ارکان کے درمیان خوب گرما گرمی
وفاقی وزیر مواصلات کے خطاب کے دور ان اپوزیشن نے ’’نو بے بی نو ‘روبے بی رو ‘گوبے بی گو ‘‘کے نعرے اپوزیشن ارکان اسپیکر ڈائس کے آگے سیڑھیوں پر بیٹھ گئے
منگل 23 اپریل 2019 16:28
(جاری ہے)
اجلاس کے درو ان وزیر انسانی حقوق شیریں مزاری نے وزیراعظم کے بیان کا دفاع کرتے ہوئے کہا کہ وزیراعظم جرمنی اور فرانس کہنا چاہ رہے تھے، ان کی زبان پھسل گئی، وزیر اعظم کا آدھا جملہ دھرایا جا رہا ہے۔پیپلز پارٹی کی رکن حنا ربانی نے کہا کہ اس ملک کا مذاق بنتا دیکھ کر ہم اب اس ملک کیلئے پریشان ہیں، کسی دوسرے ملک کے ساتھ بات چیت کرنے سے کوئی یار نہیں بن جاتا، حکومت کی ناختم ہونے والی غلطیاں جاری ہیں۔
حنا ربانی کھر نے تنقید کے نشتر برساتے ہوئے کہا جو کہتا ہے کہ ملک کو درست کیا جائے تو اس کو ملک دشمن کہا جاتا ہے، ہم اپنے لیے نہیں بلکہ اس ملک کا مذاق بنتے دیکھ کر پریشان ہیں۔حنا ربانی کھر نے کہا کہ روز لیکچر دئیے جارہے ہیں کہ افغانستان میں کیسی حکومت بننی چاہیے ، اگر ریاست چلانے کے لیے آپ کو ٹریننگ چاہیے تو پہلے ٹریننگ لیں اور پھر سلیکٹ ہوکر آئیں۔حنا ربانی کھر کے بعد ڈپٹی سپیکر نے وزیر مواصلات مراد سعید نے اظہار خیال کیلئے مائیک دیا تو اپوزیشن نے شدید شور شرابا کرتے ہوئے گو بے بی گو کے نعرے لگائے اور ڈیسک بجاتے رہے جس پر مراد سعید نے کہا کہ ان کو علم ہے کہ میں نے ان کو آئینہ دکھانا ہے اس لیے یہ شور کررہے ہیں۔اپوزیشن ارکان اسپیکر ڈائس کے آگے سیڑھیوں پر بیٹھ گئے جس پر ڈپٹی اسپیکر قاسم سوری نے انہیں اپنی نشستوں پر بیٹھنے کی ہدایت کی۔اس دوران دونوں فریقین میں خوب تلخ کلامی ہوئی اور ایک دوسرے کے خلاف نعرے بازی بھی کی گئی۔ حزب اختلاف کے ارکان اسمبلی نے احتجاج کرتے ہوئے اسپیکر کے ڈائس کے آگے دھرنا دیا اور شدید شورشرابہ کیا جس کے باعث مراد سعید کو ایئر فون کان پر لگاکر تقریر کر نا پڑی ۔ مراد سعید نے کہا کہ بلاول بھٹو زرداری حادثاتی طور پر پارٹی کے چیئرمین بن گئے ہیں، بلاول اتنی سی عمر میں کمپنی کے چیئرمین بنے تو خوش تاہم جب سوال ہو کہ پیسا کہاں سے آیا تو غصہ ہوجاتے ہیں۔مراد سعید نے کہا کہ بلاول کے ابو اور پھوپھو کے اکاؤنٹ میں کرپشن کے پیسے ہیں۔ انہوںنے کہاکہ عمران خان نے آٹھ ماہ میں سڑکوں پر سونے والوں کو پناہ گاہیں دیں۔وفاقی وزیر مواصلات مراد سعید نے اپوزیشن کی تقریر کا جواب دیتے ہوئے کہا کہ پی پی پی بتائے حسین حقانی جیسے غدار کو کس نے لگایا، جب پاکستانی فوج بھارتی طیارے گرا رہی تھی تب بلاول بھارت کا مقدمہ لڑ رہا تھا، یہ کون کہہ رہا تھا پاکستان دہشتگردوں کی پناہ گاہ ہے۔مراد سعید کی تقریر کے دوران اپوزیشن نے شور مچاتے ہوئے نو بے بی نو اور رو بے بی رو کے نعرے لگاتے رہے ، اپوزیشن نے اسپیکر کے ڈائس کا گھیراؤ کرتے ہوئے ایجنڈے کی کاپیاں پھاڑ دیں اور دھرنا دیتے ہوئے گو نیازی گو نیازی گو کے بھی نعرے لگائے۔ ڈپٹی اسپیکر نے نماز کا وقفہ کرتے ہوئے اجلاس ملتوی کردیا۔مزید اہم خبریں
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
-
جب گندم کی قلت ہوگی تو پھر روٹی 16 کی بجائے 30 روپے سے اوپر جائے گی
-
سپیکرایازصادق سے سعودی سفیر کی ملاقات ،تعلقات کو مزید وسعت دینے کا اعادہ
-
غزہ سے متعلق اصولی موقف پر پاکستان کو سراہتے ہیں، ایرانی صدرابراہیم رئیسی
-
آئی ٹی برآمدات میں 339 ملین ڈالر کا اضافہ ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.