بھارتی وزیراعظم مودی بالکل حواس باختہ ہو چکے ہیں،عوامی جلسوں میں پاکستان مخالف جذبات کو بھڑکانا ان کاوطیرہ بن چکا ہے،

بھارت کی سول سو سائٹی آگے بڑھے اور اسطرح کی جنونیت کو روکے وزیر اطلاعات و سیاحت آزادجموں و کشمیر راجہ مشتاق احمد منہاس کا انٹرویو

منگل 23 اپریل 2019 20:00

مظفر آباد ۔ (اُردو پوائنٹ اخبارتازہ ترین - اے پی پی۔ 23 اپریل2019ء) آزادجموں و کشمیر کے وزیر اطلاعات و سیاحت راجہ مشتاق احمد منہاس نے کہا ہے کہ بھارتی وزیراعظم مودی بالکل حواس باختہ ہو چکے ہیں۔عوامی جلسوں میں پاکستان مخالف جذبات کو بھڑکانا ان کاوطیرہ بن چکا ہے۔بھارت کی سول سو سائٹی آگے بڑھے اور اسطرج کی جنونیت کو روکے۔وزیر اطلاعات نے ان خیالات کا اظہار ایک انٹرویو میں کیا۔

وزیر اطلاعات نے کہا کہ مودی کے کہنے پر مقبوضہ کشمیر میں بھارتی فوج کشمیریوں کے خون کی ہولی کھیل رہی ہے۔

(جاری ہے)

انہوں نے کہا بدنام زمانہ نھارتی خفیہ ایجنسی کی جانب سے سینئر حریت کانفرنس کے رہنماوں سے پوچھ کچھ اسی کا شاخسانہ ہے کیونکہ مودی پاکستان اور مسلمان مخالف جذبات بھڑکا کر الیکشن میں کامیابی حاصل کرنا چاہتا ہے۔انہوں نے کہا بھارت نے نیوکلیئر بم ہولی کے لیے نہیں رکھے بھارتی وزیراعظم کا انتہائی غیر ذمہ دارانہ بیان ہے جس کا مقصد لوگوں کوبھڑکا کر اپنے اقتدارکا الو سیدھا کرنا ہے۔وزیر اطلاعات نے کہا کہ بھارتی وزیراعظم مکمل طور پر پاکستان فوبیا کا شکار ہو چکے ہیں جنہیں ہر وقت پاکستان کا ڈر چین نہیں لینے دیتا۔