Live Updates

مقامی صرافہ مارکیٹوں میں 1000 روپے کمی ، سونے کی فی تولہ قیمت 68 ہزار 800 روپے کی سطح پر پہنچ گئی

منگل اپریل 21:45

مقامی صرافہ مارکیٹوں میں 1000 روپے کمی ، سونے کی فی تولہ قیمت 68 ہزار 800 ..
کراچی(اُردو پوائنٹ اخبارتازہ ترین - آن لائن۔ 23 اپریل2019ء) مقامی صرافہ مارکیٹوں میں 1000 روپے کمی کے بعد سونے کی فی تولہ قیمت 68 ہزار 800 روپے کی سطح پر پہنچ گئی۔

(جاری ہے)

بین الاقوامی بلین مارکیٹ میں فی اونس سونے کی قیمت ایک ڈالر کے اضافے سے 1276 ڈالر کی سطح پر پہنچنے کے باوجود مقامی صرافہ مارکیٹوں میں پرائس ایڈجسٹمنٹ کے باعث فی تولہ اور دس گرام سونے کی قیمتوں میں بالترتیب 1000 روپے اور857 روپے کی کمی واقع ہوئی۔

سونے کی قیمت میں کمی کے بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت کم ہو کر 68 ہزار 800 روپے اور فی 10 گرام سونے کی قیمت گھٹ کر 58 ہزار 985 روپے ہوگئی، تاہم اس کے برعکس فی تولہ چاندی کی قیمت بغیر کسی تبدیلی کے 900 روپے اور فی دس گرام چاندی کی قیمت 771 روپے 60 پیسے پر مستحکم رہی۔
ڈالر تاریخ کی بلند ترین سطح پر سے متعلق تازہ ترین معلومات