دنیا بھر میں 11 ہزار پاکستانی جیلوں میں قید

سب سے زیادہ سعودی عرب 3 ہزار309 ، بھارت 582 ، ایران کی جیلوں میں 189 پاکستانی قید ہیں، غیر سرکاری تنظیم جسٹس پراجیکٹ پاکستان کی رپورٹ

منگل اپریل 22:40

دنیا بھر میں 11 ہزار پاکستانی جیلوں میں قید
اسلام آباد(اُردو پوائنٹ اخبارتازہ ترین - آن لائن۔ 23 اپریل2019ء) معروف غیر سرکاری تنظیم جسٹس پراجیکٹ پاکستان نے دوسرے ممالک میں قید پاکستانیوں کے حوالے سے اپنی رپورٹ جاری کر دی ہے۔ دنیا بھر میں 11 ہزار پاکستانی جیلوں میں قید، سب سے زیادہ سعودی عرب 3 ہزار309 ، بھارت 582 جبکہ ایران کی جیلوں میں 189 پاکستانی قید ہیں۔ سعودی ولی عہد نے 2100 پاکستانیوں کی رہائی کااعلان کیا لیکن صرف 200 قیدی ہی وطن واپس آ سکے ہیں۔

میڈیا رپورٹس کے مطابق اندرونی بیرونی و بیرون ملک جیلوں میں قیدیوں کی فلاح و بہبود کے لئے کام کرنے والے ادارے جسٹس پراجیکٹ پاکستان نے بیرون ملک قید پاکستانیوں کے اعداد و شمار جاری کر دیئے ہیں جس کے مطابق سب سے زیادہ سعودی عرب کی جیلوں میں تین ہزار تین سو نو قیدی موجود ہیں۔

(جاری ہے)

سعودی ولی عہد نے اپنے حالیہ دورہ پاکستان میں 2100 پاکستانی کی رہائی کا اعلان کیا تھا لیکن ابھی تک صرف 200 پاکستانی قیدی ہی رہا ہو کر پاکستان پہنچے ہیں رپورٹ کے مطابق بھارتی جیلوں میں 582 جبکہ ایران کی جیلوں میں 189 پاکستانی قیدی موجود ہیں رپورٹ میں مزید کہا گیا ہے کہ بیرون ملک مزدور پاکستان کا قیمتی اثاثہ ہیں لیکن ان کی رہائی سے متعلق قوانین نہ ہونے سے تارکین وطن کو شدید خطرات لاحق ہیں سعودی عرب کی جیلوں میں قیدیوں کو سخت سزائیں دی جاتی ہیں۔

جبکہ پاکستان میںلاپتہ افراد کا معاملہ بھی انتہائی حساس ہے۔