مقبوضہ کشمیر،کل جماعتی حریت کانفرنس کے چیئرمین کا یاسین ملک کی بگڑتی صحت پر اظہار تشویش
یاسین ملک کی زندگی کے ساتھ جان بوجھ کر کھلواڑ کیا جارہا ہے ،انہیں کوئی گزند پہنچی تو اس کی تمام تر ذمہ داری بھارتی حکومت پر عائد ہوگی،سید علی گیلانی قیدیوں کے حقوق کے علمبردارجیلوں میںکشمیری نظربندوںکی حالت زار کا سخت نوٹس لیں اور بھارت کو اپنے ہی قوانین کی پاسداری کرنے کیلئے مجبور کریں،بیان
منگل 23 اپریل 2019 23:08
(جاری ہے)
انہوںنے کہ دنیا بھر میں لوگ اپنے جائز حقوق کی بازیابی کیلئے جمہوری جدوجہد کرتے ہیں، البتہ جموں وکشمیر وہ واحد خطہ ہے جہاں اپنے حقوق کیخلاف آواز اٹھانے کی اجازت نہیں ہے اوردنیا کی سب سے بڑی نام نہاد جمہوریت کا دعویدار بھارت خود ہی جموںوکشمیر میں اس کا جنازہ نکال رہا ہے ۔
سیدعلی گیلانی نے کشمیر اور بھارت کے جیلوں میں کشمیری نظربندوںکی حالت زار پر بھی گہری تشویش ظاہر کرتے ہوئے کہا کہ بھارت نے کشمیریوں کے خلاف ہر محاذ پرجنگ چھیڑ رکھی ہے اور قتل و غارت کا بازار گرم کررکھا ہے جبکہ دوسری طرف نام نہاد تحقیقاتی اداروں کو جنگی ہتھیار کے طور استعمال کرکے چھاپوں، طلب کئے جانے اور پوچھ گچھ کا نہ ختم ہونے والا سلسلہ جاری ہے۔ انہوں نے کہا کہ جھوٹے مقدمات کے تحت شبیر احمد شاہ، الطاف احمد شاہ، ایازمحمد اکبر، پیر سیف اللہ، راجہ معراج الدین کلوال، نعیم احمد خان، فاروق احمد ڈار، شاہد الاسلام، سید شکیل احمد، سید شاہد یوسف اور ظہور احمد وٹالی سمیت سینکڑوں حریت رہنمائوںکو پابند سلاسل کردیاگیا ہے جبکہ آسیہ اندرابی، ناہیدہ نصرین اور فہمیدہ صوفی کو تہاڑ جیل میں نظربند کردیاگیا ہے ۔ انہوںنے کہا کہ عدالتیں بھی جانبداری کا مظاہرہ کر رہی ہیںاوربھارتی حکمرانوں کی منشاء اور مرضی کے مطابق فیصلے صادر کئے جارہے ہیں۔ جس کی واضح مثال معروف کشمیری تاجر ظہور احمد وٹالی کی دلی ہائی کورٹ کی طرف سے ضمانت پر رہائی کے حکم کو سپریم کورٹ کی طرف سے مسترد کرنے کا حیران کن فیصلہ ہے۔انہوںنے کہاکہ کشمیریوںکے حوالے سے بھارتی عدالتیں پہلے سے ہی متعصبانہ رویہ رکھتی ہیں۔انہوںنے کہاکہ سپریم کورٹ کے سینئر ججوں کی طرف سے خودسیاسی مداخلت کا کھلم کھلا اعلان کشمیری قوم کے خلاف عدالتی تعصب اور جانبداری کا منہ بولتا ثبوت ہے۔حریت چیئرمین نے کہا کہ ایک طرف سانحہ سمجھوتہ ایکسپریس میں اقبال جرم کرنے والے اسیم آنند اور اس کے ساتھیوں کو باعزت بری کردیا جاتا ہے تو دوسری طرف بے گناہ کشمیریوں کو اپنے سلب شدہ حقوق کی بازیابی کی جدوجہد انکے خلاف مقدمات میں تاخیر کر کے انہیں برس ہا برس تک جیلوں میںنظربند رکھا جاتا ہے ۔انہوںنے کہاکہ ہمارے اسیروں نے تحریک مزاحمت کی ایک نئی تاریخ رقم کی ہے جن میں عمر قید کی سزا کاٹنے والے ڈاکٹر محمد قاسم فکتو، ڈاکٹر محمد شفیع خان شریعتی، غلام قادر بٹ، فیروز احمد بٹ، بلال احمد کوٹا، بشیر احمد باباکے علاوہ 35بار کالے قانون پبلک سیفٹی ایکٹ کے تحت گرفتار سینئر حریت رہنماء مسرت عالم بٹ، 8سال سے تہاڑ جیل میں قید ڈاکٹر غلام محمد بٹ، محمد یوسف فلاحی، عبدالغنی بٹ، منظور احمد خان بٹہ مالو، مولانا سرجان برکاتی، اور امیر جماعت اسلامی ڈاکٹر حمید فیاض، ایڈوکیٹ زاہد علی، مولانا مشتاق احمد ویری اور سید امتیاز حیدر شامل ہیں۔سیدعلی گیلانی نے سرینگر سینٹرل جیل میں ملاقاتیوں کو گھنٹوں انتظار کرانے اور چند منٹ کیلئے ملاقات کی اجازت دینے پر بھی تشویش ظاہر کی ۔انہوںنے قیدیوں کے حقوق کے علمبرداروں سے اپیل کی کہ وہ جیلوں میںکشمیری نظربندوںکی حالت زار کا سخت نوٹس لیں اور بھارت کو اپنے ہی قوانین کی پاسداری کرنے کیلئے مجبور کریں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.