پاکستان ذمہ دار ایٹمی ملک ہے‘کوئی جارحانہ عزائم نہیں رکھتے. شاہ محمود قریشی

ٹوکیومیں اعلیٰ سطح اقتصادی پالیسی مذاکرات ہوں گے جن میں جاپانی صنعت کی چین سے پاکستان منتقلی پربات ہوگی. وزیرخارجہ کی ٹوکیو میں گفتگو

Mian Nadeem میاں محمد ندیم بدھ اپریل 10:11

پاکستان ذمہ دار ایٹمی ملک ہے‘کوئی جارحانہ عزائم نہیں رکھتے. شاہ محمود ..
ٹوکیو(اردوپوائنٹ اخبارتازہ ترین-انٹرنیشنل پریس ایجنسی۔ 24 اپریل۔2019ء) وزیرخارجہ شاہ محمود قریشی نے کہا ہے کہ پاکستان ذمہ دار جوہری طاقت ہے، کوئی جارحانہ عزائم نہیں رکھتا، ہمارے ہتھیار محفوظ ہیں جس کا دنیا اعتراف کرتی ہے. تفصیلات کے مطابق، بدھ کو وزیرخارجہ شاہ محمود قریشی نے جاپان کے3روزہ دورے کے اختتام پر صحافیوں سے گفتگو کرتے ہوئے کہا کہ پاکستان کے کسی بھی وزیرخارجہ کا7سال بعدجاپان کایہ پہلادورہ ہے،دونوں ملکوں کے درمیان تعلقات کی بحالی کے نئے عزم کااظہار کیاگیا.

(جاری ہے)

وزیرخارجہ نے کہا کہ آئی ایم ایف میں جاپان کے اثرورسوخ کے پیش نظرجاپانی قیادت سے بات کی،جاپانی قیادت کوپاکستان میں اقتصادی صلاحات کے حوالے سے آگاہ کیا،جاپانی قیادت سے پاکستان کوایف اے ٹی ایف کی گرے لسٹ سے نکالنے کی بات ہوئی. شاہ محمود قریشن نے کہا کہ جاپانی ہم منصب کومنی لانڈرنگ کے خاتمے کے لئے اقدامات سے آگاہ کیا ،دہشت گردوں کی مالی معاونت کے مکمل سدباب سے متعلق بھی بات ہوئی،18جولائی کوٹوکیومیں اعلیٰ سطح اقتصادی پالیسی مذاکرات ہوں گے،مذاکرات میں جاپانی صنعت کی چین سے پاکستان منتقلی پربات ہوگی.

انہوں نے کہا کہ جاپان اپنی صنعت کودوسر ے خطوں میں منتقل کرناچاہتا ہے،جاپان کودعوت دی ہے کہ وہ اپنی صنعتیں پاکستان میں لگائے،جاپانی صنعتکار پاکستان کی سستی افرادی قوت اور خام مال سے فائدہ اٹھائیں. وزیرخارجہ نے کہا کہ فوڈپراسینگ انڈسٹری نہ ہونے سے زرعی آمدن متاثرہورہی ہے،جاپان20 کروڑآبادی کی فوڈپراسینگ انڈسٹری سے فائدہ اٹھائے. شاہ محمود قریشی نے کہا کہ دوسری جنگ عظیم کے بعدجاپان آج بڑی اقتصادی طاقت بن چکاہے،پاکستان ذمہ دارجوہری طاقت ہے،کوئی جارحانہ عزائم نہیں رکھتا،ہمارے ہتھیارمحفوظ ہیں جس کادنیااعتراف کرتی ہے. انہوں نے کہا کہ ہمارے کوئی جارحانہ عزائم نہیں ہیں .