تعلیمی اداروں میں بڑھتے ہوئے منشیات کے استعمال کیخلاف کیس ،سیکرٹری داخلہ،سیکرٹری تعلیم اور سیکرٹری صحت کو نوٹس

متعلقہ وزارتوں سے جوائنٹ سیکرٹری یا سینئر افسرذاتی حیثیت میں پیش ہوں، اسلام آباد ہائی کورٹ کا حکم

بدھ 24 اپریل 2019 12:29

تعلیمی اداروں میں بڑھتے ہوئے منشیات کے استعمال کیخلاف کیس ،سیکرٹری ..

اسلام آباد (اُردو پوائنٹ اخبارتازہ ترین - این این آئی۔ 24 اپریل2019ء) اسلام آباد ہائیکورٹ نے اسلام آباد کے تعلیمی اداروں میں بڑھتے ہوئے منشیات کے استعمال کے خلاف کیس میں سیکرٹری داخلہ،سیکرٹری تعلیم اور سیکرٹری صحت کو نوٹس جاری کرتے ہوئے ہدایت کی ہے کہ متعلقہ وزارتوں سے جوائنٹ سیکرٹری یا سینئر افسرذاتی حیثیت میں پیش ہوں۔ بدھ کو نجی ادارے لکی فائونڈیشن کی درخواست پر سماعت جسٹس عامر فاروق نے کی ۔

(جاری ہے)

وکیل کاشف ملک نے کہاکہ اقوام متحدہ کی ڈرگ رپورٹ میں اسلام آباد کی الارمنگ صورتحال ہے، سابقہ وزیر داخلہ نے کہا 75 فیصد لڑکیاں اور 45 فیصد لڑکے ڈرگ استعمال کرتے ہیں،اخبارات کے مطابق اسلام آباد کے تین پولیس آفیشلز بھی ڈرگ مہیا کرنے میں ملوث ہیں۔عدالت نے ڈائریکٹر اے این ایف کو آئندہ سماعت پر ذاتی حیثیت میں طلب کرلیا ۔وکیل نے کہاکہ عدالت تعلیمی اداروں میں منشیات کے استعمال کی روک تھام کی ہدایت کرے۔عدالت نے فریقین کو نوٹس جاری کرتے ہوئے سماعت دوہفتے کیلئے ملتوی کر دی۔