سب بچوں کے لئے بہترین تعلیم جاپان کے آئینی اصلاحات کا حصہ ہونا چاہیے، شنزو ایبے

بدھ 24 اپریل 2019 16:00

ٹوکیو ۔ (اُردو پوائنٹ اخبارتازہ ترین - اے پی پی۔ 24 اپریل2019ء) جا پانی وزیر اعظم شنزو ایبے نے کہا ہے کہ سب بچوں کے لئے بہترین تعلیم جاپان کے آئینی اصلاحات کا حصہ ہونا چاہیے۔

(جاری ہے)

نئے آئین کی تشکیل کے سلسلہ میں مختلف جماعتوں کے اراکین پارلیمنٹ سے بات چیت کرتے ہوئے انہوں نے کہا کہ خاندانوں کے معاشی حالات کے قطع نظرسب بچوں کے لئے تعلیم حقیقی معنوں میں عام ہونی چاہیے، یکم مئی کو نئے شہنشاہ کی تاج پوشی سے قبل جامع آئینی اصلاحات کی جانی چاہیں۔

انہوں نے کہا کہ نئے دور میں داخل ہوتے وقت ہمیں ملک کے بہتر مستقبل کے لئے بصیرت کے ساتھ آگے بڑھنا ہوگا۔ اس موقع پر سابق وزیر اعظم ناکا سونی نے کہا کہ ہم ایک دور کے بعد دوسرے دور میں داخل ہورہے ہیں اور موجودہ آئین کی تشریح کے ساتھ مسائل کو حل کرنا ہوگا۔