شریف فیملی کے متعلق ابتک 3 ارب روپے کی منی لانڈرنگ کرنے کے شواہد حاصل کر لیے ‘نیب

لاکھ 50ہزار ڈالر کی منتقلی کے دستاویزی ثبوت اور ہانگ گانگ میں قائم گرین لینڈ، دوبئی میں براسل، ایم پی ٹریڈنگ اور الودی کمپنی کا ریکارڈ حاصل کرلیا ہے،سوفٹ میسجز، آر فارمز، اور بینکوں کا ریکارڈ بھی حاصل کیا ہے‘محمد مشتاق عرف مشتاق چینی کی تفتیشی رپورٹ عدالت میں جمع

بدھ 24 اپریل 2019 18:52

شریف فیملی کے متعلق ابتک 3 ارب روپے کی منی لانڈرنگ کرنے کے شواہد حاصل ..

لاہور (اُردو پوائنٹ اخبارتازہ ترین - این این آئی۔ 24 اپریل2019ء) قومی احتساب بیورو (نیب ) نے شریف فیملی کے متعلق ابتک 3 ارب روپے کی منی لانڈرنگ کرنے کے شواہد حاصل کرنے کا دعویٰ کیا ہے ۔ نجی ٹی وی کے مطابق نیب نے رمضان شوگر مل کے منیجر اور شریف فیملی کے فرنٹ مین محمد مشتاق عرف چینی کی تفتیشی رپورٹ احتساب عدالت میں جمع کرادی ہے ۔

(جاری ہے)

تفتیشی رپورٹ میں بتایا گیا ہے کہ نیب نے اب تک 2لاکھ 50ہزار ڈالر کی منتقلی کے دستاویزی ثبوت اور ہانگ گانگ میں قائم گرین لینڈ، دوبئی میں براسل، ایم پی ٹریڈنگ اور الودی کمپنی کا ریکارڈ حاصل کرلیا ہے، جبکہ سوفٹ میسجز، آر فارمز، اور بینکوں کا ریکارڈ بھی حاصل کیا ہے۔

رپورٹ کے مطابق شریف فیملی کو ٹیلی گراف کے ذریعے ایک لاکھ سے 2لاکھ 50ہزار امریکن ڈالر منتقل ہوئے، شہبازشریف کے صاحبزادے سلمان شہباز نے وقار ٹریڈنگ کے نام سے کمپنی بنا رکھی ہے جو شریف فیملی کے ذاتی ملازم سید طاہر نقوی کے نام پر رجسٹرڈ ہے، ملازم کی کمپنی وقار ٹریڈنگ میں بھاری رقوم بزریعہ کراس چیک جمع ہوتے رہے۔رپورٹ میں بتایا گیا ہے کہ مشتاق چینی کے بیٹے یاسر مشتاق کے نام پر بھی غیر ملکی کرنسی منتقل ہوتی رہی ہے جب کہ نیب نے اب تک شریف فیملی کے متعلق 3ارب روپے کی منی لانڈرنگ کرنے کے شواہد حاصل کیے ہیں۔