بلاول بھٹو کو صاحبہ کہنے پر وینا ملک عمران خان کی حمایت میں سامنے آگئیں

جس شخص کو جو زبان سمجھ آتی ہے اس سے اسی زبان میں بات کرنا پڑتی ہے اور عمران خان یہ جانتے ہیں،اداکارہ

Usman Khadim Kamboh عثمان خادم کمبوہ بدھ اپریل 23:38

بلاول بھٹو کو صاحبہ کہنے پر وینا ملک عمران خان کی حمایت میں سامنے آگئیں
کراچی(اردوپوائنٹ اخبار تازہ ترین۔24اپریل2019ء) پاکستان پیپلز پارٹی کے چئیرمین بلاول بھٹو زرداری کو ’بلاول صاحبہ‘کہنے پر وزیراعظم عمران خان پر شدید تنقید کیے جانے پر اداکارہ وینا ملک نے عمران خان کی حمایت کر دی ہے۔ وینا ملک نے ٹویٹر پیغام میں کہا ہے کہ کچھ لوگوں کو بات سمجھانے کے لیے انسان کو ان کی سطح پر نیچے جانا پڑتا ہے۔ انہوں نے کہا کہ اپوزیشن کا معیار بہت گرا ہوا ہے اور عمران خان کو پتا ہے کہ اپوزیشن کون سی زبان سمجھتی ہے اورعمران خان جانتے ہیں کہ وہ کون سی زبان بول رہے ہیں۔

 وینا ملک نے ایک سچے واقعے کا حوالہ دیتے ہوئے بتایا کہ ایک بار انہوں نے ایک شخص کو بہت زیادہ اہمیت اور عزت دے دی لیکن جیسے جیسے وہ اس کی عزت کرتی گئیں وہ شخص جانور بنتا گیا، اس کے بعد انہوں نے اس شخص کے ساتھ اس کے معیار کے مطابق سلوک شروع کر دیا جس کے بعد اس شخص کو اپنے اصل مقام کا پتا لگ گیا ۔

(جاری ہے)

یاد رہے کہ وزیراعظم عمران خان نے آج وانا میں جلسے سے خطاب کیا۔ جلسے سے خطاب کے دوران بھی وہ اپوزیشن جماعتوں پر تنقید کرتے رہے۔ دوران خطاب انہوں نے بلاول بھٹو کو صاحبہ کہہ دیا اور کہا کہ میں بلاول بھٹو صاحبہ کی طرح پرچی پر نہیں آیا۔ اس بات پر اپوزیشن نے وزیراعظم عمران خان پر شدید تنقید کی تھی۔