سینئر اداکار ایوب کھوسو کا تحریک آزادی کشمیر پر فلم بنانے کا اعلان

میں کشمیریوں کی جدو جہد آزادی پر بننے والی فلموں میں بلا معاوضہ کام کروں گا

جمعرات 25 اپریل 2019 12:30

سینئر اداکار ایوب کھوسو کا تحریک آزادی کشمیر پر فلم بنانے کا اعلان

لاہور (اُردو پوائنٹ اخبارتازہ ترین - این این آئی۔ 25 اپریل2019ء) سینئر اداکار ایوب کھوسو نے تحریک آزادی کشمیر پر فلم بنانے کا اعلان کر دیا۔ایوب کھوسوکا کہنا تھا کہ میں بلوچستان سمیت پاکستان کے چاروں صوبوں کے مسائل پر بھی فلم بنانا چاہتا ہوں تاہم میری پہلی فلم کا موضوع نہایت اہمیت کا حامل ہے، مسئلہ کشمیر کو سلور سکرین کے ذریعے بہتر انداز میں اجاگر کیا جاسکتا ہے۔

(جاری ہے)

انہوں نے کہا کہ میں کشمیریوں کی جدو جہد آزادی پر بننے والی فلموں میں بلا معاوضہ کام کروں گا۔ ملک دشمن قوتیں پاکستان کو بدنام کرتی ہیں، میں فلموں اور ڈراموں کے ذریعے اپنے وطن کا مثبت چہرہ اور حقائق دکھاؤں گا۔