چنار باغ اسمبلی ہال کو آڈیٹوریم میں تبدیل کرنے کیلئے فوری طور پر اقدامات کئے جائیں، وزیر اعلیٰ گلگت بلتستان حافظ حفیظ الرحمن کی ہدایت

جمعرات 25 اپریل 2019 14:48

گلگت (اُردو پوائنٹ اخبارتازہ ترین - اے پی پی۔ 25 اپریل2019ء) وزیر اعلیٰ گلگت بلتستان حافظ حفیظ الرحمن نے چنار باغ گلگت کے دورے کے دوران محکمہ تعمیرات کے متعلقہ آفیسران کو ہدایت کی ہے کہ چنار باغ اسمبلی ہال کو آڈیٹوریم میں تبدیل کرنے کیلئے فوری طور پر اقدامات کئے جائیں، پرانے اسمبلی ہال کے آڈیٹوریم میں منتقلی سے تقریباً 600 لوگوں کے بیٹھنے کیلئے جگہ میسر آئے گی جس میں تمام سرکاری تقریبات اور ورکشاپس کا انعقاد ممکن ہوسکے گا۔

(جاری ہے)

وزیر اعلیٰ گلگت بلتستان حافظ حفیظ الرحمن نے کہا کہ جدید آڈیٹوریم کی تعمیر انتہائی ضرورت کی حامل ہے۔