حضرو ، چھچھ کے دو نوجوانوں نے چلتی ٹرین سے چھلانگیں لگا دی، ایک جاں بحق دوسرا شدید زخمی

جمعرات 25 اپریل 2019 23:35

حضرو ۔ (اُردو پوائنٹ اخبارتازہ ترین - اے پی پی۔ 25 اپریل2019ء) چھچھ کے دو نوجوانوں نے چلتی ٹرین سے چھلانگیں لگا دیں ایک نوجوان جاں بحق دوسرا شدید زخمی دونوں نوجوان دبئی جانے کیلئے راولپنڈی گئے تھے نوجوان کی اچانک موت سے علاقہ میں کہرام مچ گیا۔

(جاری ہے)

تفصیلات کے مطابق حضرو کے نواحی گاو،ْں شیرانی کے سرفراز اور بابر جو آپس میں قریبی رشتہ دار تھے دبئی جانے کیلئے راولپنڈی ایجنٹ کے پاس گئے واپسی پر انہوں نے ریل گاڑی کا سفر اختیار کیا ریل گاڑی نے فقیر آباد کے مقام پر رکنا تھا لیکن با خبر زرائع سے معلوم ہوا ہے کہ ریل گاڑی فقیر آباد سٹیشن پر نہ رکی جس پر سرفراز اور بابر نے چلتی گاڑی سے چھلانگیں لگا دیں جس کی وجہ سے سرفراز احمد موقع پر ہی جاں بحق ہو گیا جبکہ بابر جس کو سر میں شدید چوٹیں آ جانے کی وجہ سے بے ہوش ہو گیا دونوں نوجوانوں کو فوری طور پر سول ہسپتال حضرو پہنچایا گیا جہاں ضروری کاروائی کے بعد سرفراز کی میت لواحقین کے حوالے کر دی گئی جبکہ بابر کو آخری اطلاع تک ہوش نہیں آیا تھا نوجوان کی اچانک موت سے علاقہ میں کہرام مچ گیا ۔