دارالحکومت اسلام آباد میں تیز طوفان اور بارش کے باعث سڑکوں پر چلتی ٹریفک عارضی طور پر رک گئی،اسلام آباد پولیس کے جوانوں کی مختلف جگہوں پر امدادی سرگرمیاں

جمعرات 25 اپریل 2019 23:35

اسلام آباد ۔ (اُردو پوائنٹ اخبارتازہ ترین - اے پی پی۔ 25 اپریل2019ء) دارالحکومت اسلام آباد میں تیز طوفان اور بارش کے باعث سڑکوں پر چلتی ٹریفک عارضی طور پر رک گئی۔ لوگ طوفان کے شور سے خوف میں کلمہ اور درود شریف کا ورد کرنے لگے۔ طوفان کی شدت اتنی تیز تھی کہ درجنوں درخت جڑوں سمیت زمین سے اکھڑ گئے۔

(جاری ہے)

آئی جی اسلام آباد نے طوفان کی وجہ سے اسلام آباد پولیس کی فوری امدادی ٹیمیں تشکیل دینے کی ہدایت کر دی۔ ڈی آئی جی آپریشنز نے ضلع بھ رمیں پولیس جوانوں کی امدادی ٹیمیں متحرک کر دیں۔ درخت گرنے کی وجہ سے روڈ بلاکیج اور دیگر نقصانات کی جگہ پہنچ کر فوری امداد کی ہدایت کی۔ اسلام آباد پولیس کے جوان ضلع بھر میں مختلف جگہوں پر امدادی کاموں میں مصروف ہو گئے۔