کراچی،آستانے میں بیوی کو قتل کرنیوالا شوہر گرفتار

آصف نے انیلا سے لومیرج کی تھی جبکہ مقتولہ کی دوسری شادی تھی،پولیس

جمعہ 26 اپریل 2019 17:18

کراچی(اُردو پوائنٹ اخبارتازہ ترین - این این آئی۔ 26 اپریل2019ء) کراچی کے علاقے کورنگی کے آستانے میں بیوی کو قتل کرنے والا شوہر پکڑا گیا۔شہر قائد کے علاقے کورنگی میں موجود آستانے میں بیوی کو قتل کرنے والے شوہر کو پولیس نے گرفتار کرلیا جبکہ ملزم سے قتل میں استعمال ہونے والی پستول بھی برآمد کرلی۔

(جاری ہے)

پولیس کے مطابق ملزم محمد آصف نے 17 اپریل کو اپنی بیوی انیلا کو قتل کردیا تھا، آصف نے انیلا سے لومیرج کی تھی جبکہ مقتولہ کی دوسری شادی تھی۔ملزم نے اپنے اعترافی بیان میں کہا کہ بیوی کا کردار غلط تھا اس لئے قتل کیا۔واضح رہے کہ مقتولہ کے پہلے شوہر سے ایک اور دوسرے شوہر آصف سے تین بچے ہیں۔