جیکب آباد: جائیداد کے تنازع پر بھائی نے بھائی کا قتل کر دیا

جمعہ 26 اپریل 2019 17:18

جیکب آباد (اُردو پوائنٹ اخبارتازہ ترین - این این آئی۔ 26 اپریل2019ء) سندھ کے شہر جیکب آبادمیں جائیداد کے تنازع پر بڑے بھائی نے چھوٹے بھائی کو فائرنگ کر کے قتل کر دیا اور فرار ہو گیا۔

(جاری ہے)

پولیس کے مطابق واقعہ موسی اللہ آباد کالونی میں پیش آیا جہاں جائیداد کے تنازع پر بڑے بھائی کی چھوٹے بھائی سے تکرار ہو گئی۔جھگڑے کے دوران بڑے بھائی نے غصے میں آ کر چھوٹے بھائی کو فائرنگ کر کے قتل کر دیا اور موقع سے فرار ہو گیا۔پولیس نے مقتول کی لاش کو تعلقہ اسپتال ٹھل منتقل کر دیا ہے اور ملزم کی گرفتاری کے لیے علاقے کی ناکابندی کر دی ہے۔