ایف آئی اے نے شادی کا ڈھونگ رچا کر مسیحی لڑکیوں کو چین اسمگل کرنے والا گروہ گرفتار کرلیا

جمعرات 2 مئی 2019 22:10

فیصل آباد(اُردو پوائنٹ اخبارتازہ ترین - آن لائن۔ 02 مئی2019ء) ایف آئی اے نے شادی کا ڈھونگ رچا کر مسیحی لڑکیوں کو چین اسمگل کرنے والا گروہ گرفتار کرلیا ہے۔ ایف آئی اے نے فیصل آباد میں کارروائی کرتے ہوئے شادی کا ڈھونگ رچا کر مسیحی لڑکیوں کو چین اسمگل کرنے والے گروہ کو گرفتار کرلیا ہے۔

(جاری ہے)

ایف آئی اے ذرائع کا کہنا ہے کہ مصدقہ اطلاعات پر شادی کی تقریب میں چھاپہ مار کر دلہا چنگ اور گینگ کے دیگر افراد کو گرفتار کرلیا گیا، گرفتار افراد میں پادری زاہد، ایجنٹ کاشف ، چینی خاتون مینڈس اور چنگ نامی چینی شخص شامل ہیں، ملزمان کے خلاف مقدمہ درج کررہے ہیں۔

ایف آئی اے کے مطابق مسیحی خواتین کو شادی کی آڑ میں چین لے جایا جاتا تھا اور خواتین کو چین لے جاکر غیر اخلاقی کام کرانے کا انکشاف ہوا ہے۔