شاہ محمود قریشی کی سری لنکن ہائی کمیشن آمد ، دہشتگردانہ واقعات کی مذمت اور افسوس کااظہار
دہشتگردی ایک چیلنج ہے ، ہمیں ملکر مقابلہ کر نا ہوگا ،پاکستان سری لنکا کے ساتھ ہر طرح کی معاونت کے لیے تیار ہے،سری لنکا کا دورہ سیکیورٹی خدشات پر ملتوی کرنا پڑا، رمضان کے بعد دورہ سری لنکا کے لیے روانہ ہوں گا، ہندوستان نے بغیر سوچے سمجھے پاکستان کو نیچا دکھانے کی مہم شروع کی، بھارت نے واقعے کو مسعود اظہر اور کشمیر تحریک سے جوڑنا شروع کیا،پاکستان نے اپنا موقف پیش کیا ، اللہ نے کامیابی دی ،بھارت کو اپنے پروپیگنڈے سے پیچھے ہٹنا پڑا، میڈیا سے گفتگو
جمعہ 3 مئی 2019 16:18
(جاری ہے)
انہوں نے تاثرات کی کتاب میں تعزیتی کلمات درج کیے۔بعد ازاں میڈیا سے گفتگو کرتے ہوئے وزیر خارجہ نے کہاکہ پاکستان نے سری لنکا میں دہشت گردی کی مذمت کی۔ انہوںنے کہاکہ پاکستان اور سری لنکا بہت قریبی دوست ہیں، پاکستان اور سری لنکا نے مل کر ایسے واقعات کا سامنا کیا۔
انہوںنے کہاکہ گزشتہ روز بھی ہماری ایک چوکی پر حملہ کیا گیا، دہشت گردی ایک چیلنج ہے ہمیں مل کر اس کا مقابلہ کرنا ہو گا۔انہوں نے کہا کہ پاکستان سری لنکا کے ساتھ ہر طرح کی معاونت کے لیے تیار ہے۔ انہوںنے کہاکہ پاکستان سری لنکن عوام اور حکومت کے ساتھ کھڑا ہے۔ انہوںنے بتایا کہ2 مئی کو سری لنکا کا دورہ سیکیورٹی خدشات پر ملتوی کرنا پڑا، رمضان کے بعد دورہ سری لنکا کے لیے روانہ ہوں گا اور سری لنکا میں متاثرہ خاندانوں کے ساتھ ملاقاتیں کروں گا۔شاہ محمود قریشی نے کہا کہ نیشنل ایکشن پلان پر تمام سیاسی جماعتیں متفق ہیں، جیسا ایکشن لیا جانا چاہیئے تھا اس پر گزشتہ حکومت نے توجہ نہ دی۔ انہوںنے کہاکہ موجودہ حکومت نے فیصلہ کیا اور آگے بڑھی۔ انہوںنے کہاکہ ہمیں اس میں کامیابیاں حاصل ہو رہی ہیں۔انہوں نے کہا کہ پلوامہ کا واقعہ افسوسناک تھا، پاکستان نے مذمت بھی کی۔ ہندوستان نے پاکستان پر الزام تراشی شروع کردی، ہندوستان نے بغیر سوچے سمجھے پاکستان کو نیچا دکھانے کی مہم شروع کی۔ انہوںنے کہاکہ بھارت نے حملہ کیا تو پاکستان کو کچھ اقدام اٹھانے پڑے، ہم نے تب بھی تعاون کی بات کی تھی۔وزیر خارجہ نے کہا کہ بھارت نے واقعے کو مسعود اظہر اور کشمیر تحریک سے جوڑنا شروع کیا،پاکستان نے اپنا موقف پیش کیا اور اللہ نے کامیابی دی ،بھارت کو اپنے پروپیگنڈے سے پیچھے ہٹنا پڑا۔ انہوںنے کہاکہ سیکیورٹی کونسل میں بھی ہندوستان کو پیچھے ہٹنا پڑا۔شاہ محمود قریشی نے کہا کہ بھارتی سرکاری واقعہ کو استعمال کر کے ضرورتیں پوری کرنا چاہتی تھی، بی جے پی سیاسی فائدہ اٹھانا چاہتی تھی، میڈیا اور عوام نے انہیں مسترد کیا۔ انہوںنے کہاکہ سری لنکا دہشت گردی کے پیچھے کون ہے ابھی کہنا قبل از وقت ہوگا۔متعلقہ عنوان :
مزید اہم خبریں
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.