حیدرآباد چیمبر کی سب کمیٹی ہائر ایجوکیشن نے مہران یونیورسٹی کے دورہ کی دعوت قبول کرلی

منگل 7 مئی 2019 18:25

حیدر آباد ۔ (اُردو پوائنٹ اخبارتازہ ترین - اے پی پی۔ 07 مئی2019ء) حیدرآبادچیمبر آف اسمال ٹریڈرز اینڈ اسمال انڈسٹری کی سب کمیٹی ہائر ایجوکیشن کے کنونیئر شان الٰہی سہگل نے کہا ہے کہ حیدرآباد اور سندھ کی یونیورسٹیوں سے تعلق قائم کرنے اور حیدرآباد کی یونیورسٹیوں کا دورہ کرنے کے حوالے سے اجلاس کو آگاہ کیا گیااُنہوں نے کہا کہ مہران یونیورسٹی کے وائس چانسلر نے حیدرآباد چیمبر کی سب کمیٹی ہائر ایجوکیشن کو مہران یونیورسٹی میں آنے کی دعوت دی جو کو قبول کرلی گئی اُنہوں نے کہا کہ گذشتہ ماہ سب کمیٹی ہائر ایجوکیشن کے میگا ایونٹ لاہور میں منعقد ہوئے تھے اِس ایونٹ میں حیدرآباد چیمبر کی سب کمیٹی ہائر ایجوکیشن کو یقین دہانی کرائی گئی کہ کراچی کی ہائر ایجوکیشن کے ڈائریکٹر سے حیدرآباد چیمبر کا اشتراک کروایا جائے گا اُنہوں نے کہا کہ بینظیر بھٹو یونیورسٹی نوابشاہ نے حیدرآباد چیمبر کے ساتھ ایک (MOU) اور چیمبر سے اپنے اشتراک کی خواہش کا اظہار کیا۔

(جاری ہے)

اِس موقع پر سب کمیٹی کے ممبران ظفر صدیقی، محمد فہد میاں، وقاص، عرفان عربانی اور سمیر جعفری نے شرکت کی۔