بھار تی فوج کو حکومت نے روسی ساختہ T-90ٹینک خریدنے کی منظوری دے دی

بدھ 8 مئی 2019 17:59

جموں(اُردو پوائنٹ اخبارتازہ ترین - این این آئی۔ 08 مئی2019ء) جنگی جنون میں مبتلا نریندر مودی کی حکومت نے فوج کو اربوں ڈالر مالیت کی464 روسی ساختہ ٹینکT-90 خریدنے کی منظوری دی ہے جن کو پاکستان کے ساتھ لگنے والی مغربی سرحدوں اور کنٹرول لائن پرتعینات کیا جائے گا۔

(جاری ہے)

کشمیرمیڈیا سروس کے مطابق بھارت کے دفاعی حکام نے جموں میں صحافیوں کو بتایا کہ سلامتی کے بارے میں کابینہ کمیٹی کی منظوری کے بعد بھارتی وزارت دفاع نے اہم جنگی ٹینک T-90جس کو بھشما کا نام دیا گیا ہے کے حصول کا عمل شروع کردیا ہے۔اس کی خریداری پر 15ارب ڈالر لاگت آنے کا تخمینہ ہے۔ ذرائع ابلاغ کی رپورٹس کے مطابق سرکاری حکام کا کہنا ہے کہ روسی ساختہ ٹینک 2022سے ملنا شروع ہوجائیں گے اور 2026 ء تک یہ منصوبہ مکمل ہوجائے گا۔