محکمہ تحفظ ماحول کا جعلی موبل آئل بنانے والے یونٹس کے خلاف کریک ڈاؤن،پانچ مزید یونٹس سر بمہر

جمعرات 9 مئی 2019 16:51

لاہور(اُردو پوائنٹ اخبارتازہ ترین - این این آئی۔ 09 مئی2019ء) صوبائی وزیرتحفظ ماحول محمد رضوان کی ہدایت پر محکمہ تحفظ ماحول کی ٹیم کا آلودگی کا سبب بننے والے غیرمعیاری اورجعلی مو بل آئل بنانے والے یونٹس کے خلاف کریک ڈاؤن جاری ہے۔اس ضمن میںمحکمہ تحفظ ماحول کی ٹیم نے بادامی باغ میں غیرمعیاری موبل آئل بنانے والوں کے خلاف کارروائی کرتے ہوئے پانچ مزید یونٹس سر بمہرکردیئے۔

(جاری ہے)

سیل ہونے والے یونٹس میں اکرام خان موبل آئل یونٹ بادامی باغ، فہد آئل یونٹ ون اور یونٹ ٹو بادامی باغ، طاہر خان موبل آئل یونٹ بادامی باغ اور کراچی آئل یونٹ بادامی باغ شامل ہیں۔ کارروائی محکمہ تحفظ ماحول کے ڈپٹی ڈائریکٹر مصباح الحق خان لودھی اور اظہر اقبال کی قیادت میںکی گئی ۔ محکمہ تحفظ ماحو ل غیر معیاری موبل آئل جوکہ گاڑیوں کے انجن کی تباہی اور آلودگی کا سبب بنتا ہے پر خلاف کارروائیوں میں برسرپیکار ہے جس سے شہر لاہور میں فضائی آلودگی کم کرنے میں مدد ملے گی ۔