محکمہ تحفظ ماحول کی جعلی موبل آئل بنانیوالے یونٹس کیخلاف کارروائی، مزید 5 یونٹس سر بمہر

جمعرات 9 مئی 2019 17:03

لاہور (اُردو پوائنٹ اخبارتازہ ترین - اے پی پی۔ 09 مئی2019ء) صوبائی وزیرتحفظ ماحول محمد رضوان کی ہدایت پر محکمہ تحفظ ماحول کی ٹیم کا آلودگی کا سبب بننے والے غیرمعیاری وجعلی مو بل آئل بنانے والے یونٹس کیخلاف کریک ڈاؤن جاری ہے،اس ضمن میںمحکمہ تحفظ ماحول کی ٹیم نے بادامی باغ میں غیرمعیاری موبل آئل بنانے والوں کیخلاف کارروائی کرتے ہوئے پانچ مزید یونٹس سر بمہرکردئے،سیل ہونیوالے یونٹس میں اکرام خان موبل آئل یونٹ بادامی باغ، فہد آئل یونٹ ون اور یونٹ ٹو بادامی باغ، طاہر خان موبل آئل یونٹ بادامی باغ اور کراچی آئل یونٹ بادامی باغ شامل ہیں، یہ کارروائی محکمہ تحفظ ماحول کے ڈپٹی ڈائریکٹر مصباح الحق خان لودھی اور اظہر اقبال کی قیادت میںکی گئی ۔