ایف آئی اے کی کارروائی، اسلام آباد ایئرپورٹ سے دو چینی، 3پاکستانی لڑکیوں کو گرفتار کرلیا

جمعہ 10 مئی 2019 23:44

اسلام آباد(اُردو پوائنٹ اخبارتازہ ترین - این این آئی۔ 10 مئی2019ء) فیڈرل انوسٹی گیشن ایجنسی (ایف آئی ای) نے اسلام آباد ائیرپورٹ پر دو چینی اور 3 پاکستانی لڑکیوں کو گرفتار کرلیا۔

(جاری ہے)

تفصیلات کے مطابق ایف آئی اے امیگریشن نے چینی لڑکوں کی پاکستانی لڑکیوں سے جعلی شادیوں کے کیس میں کارروائی کرتے ہوئے اسلام آباد ایئرپورٹ پر دو جوڑے اور ایک لڑکی کو گرفتار کرلیا، پانچوں افراد کو تحقیقات کیلئے سیل منتقل کردیا گیا ہے جہاں ان سے مزید تحقیقات کی جارہی ہیں۔ایف آئی اے ذرائع کے مطابق 2 چینی باشندے اور 3 پاکستانی لڑکیاں خود کو شادی شدہ ظاہر کرکے بیرون ملک جارہی تھیں، چینی شہری سے مبینہ شادی کرنیوالی تیسری لڑکی خاوند کے بغیر ہی ائیرپورٹ پہنچی۔