فجیرہ میں تخریب کاری کا شکار بحری جہازوں کی ویڈیوجاری

شارجہ کا جہاز اپنی منزل کی جانب روانہ ہوچکا ،دیگردوجہازبندرگاہ پرہی لنگرانداز ہیں،فجیرہ حکام

منگل 14 مئی 2019 18:48

ابوظہبی(اُردو پوائنٹ اخبارتازہ ترین - این این آئی۔ 14 مئی2019ء) اماراتی نیوزایجنسی نے تخریب کاری کا شکار بحری جہازوں کی ویڈیوجاری کردی ہے۔میڈیارپورٹس کے مطابق سعودی عرب کا کہنا تھا کہ اس کے دو بحری جہازوں کو نقصان پہنچا ہے تاہم ویڈیو میں صرف ایک سعودی جہاز دکھایا گیا ہے ، سعودی المرزوقہ جہاز میں آگے کے رخ پرایک گڑھا نظرآرہا ہے ، ناروے کے جہاز کے بھی آگے کی جانب ایک گہرا نشان واضح ہے۔

(جاری ہے)

فجیرہ کے حکام نے بتایا کہ شارجہ کا جہاز اپنی منزل کی جانب روانہ ہوچکا ہے تاہم دیگردوجہازبندرگاہ پرہی لنگرانداز ہیں۔سعودی عرب کے ڈائریکٹرمیری ٹائم اینڈ ٹرانسپورٹ افیئرز کیپٹن عبداللہ حیاس نے کہا کہ تخریب کاری کے واقعے کے بعد وہ مقامی اور بین الاقوامی اداروں کے تعاون سے اس واقعے کی تحقیقات کررہے ہیں۔حکام کے مطابق امریکا اورایران کے درمیان کشیدگی کے سبب خام تیل کی سپلائی کو متاثرکرنے کے لیے آئل ٹینکرزکو نشانہ بنایا گیا۔