Live Updates

ہواوے کے بعد اوپو اور ویوو کا بھی اپنے فونز کی قیمتوں میں کمی کا اعلان

دونوں کمپنیوں نے سوشل میڈیا پر رمضان المبارک کے لیے مختلف فونز کی قیمتوں میں کمی کا اعلان کیا

بدھ مئی 21:30

بیجنگ(اُردو پوائنٹ اخبارتازہ ترین - این این آئی۔ 15 مئی2019ء) چینی کمپنی ہواوے کے اپنے مختلف فونز کی قیمتوں میں کمی کے اعلان کے بعداب اوپو اور ویوو کی جانب سے بھی مختلف ڈیوائسز کو سستا کردیاگیا ۔دونوں کمپنیوں نے سوشل میڈیا پر رمضان المبارک کے لیے مختلف فونز کی قیمتوں میں کمی کا اعلان کیا۔غیرملکی خبررساں ادارے کے مطابق اوپو کے فیس بک پیج پر بتایاگیا کہ اس کمپنی نے اوپو اے 7 کی قیمت 36 ہزار 999 روپے سے کم کرکے 31 ہزار 999 روپے کردی ہے۔

اوپو اے 7 کے علاوہ کمپنی نے اوپو اے 3 کی قیمت میں بھی کمی کی ہے جو کہ 19 ہزار 999 روپے سے کم ہوکر 18 ہزار 999 روپے ہوگئی ہے۔دوسری جانب ویوو نے بھی مختلف ماڈلز کی قیمتوں میں کمی کا اعلان کیا ہے۔ویوو کے 32 میگا پکسل سیلفی کیمرے سے لیس فلیگ شپ فون وی 15 کی قیمت 49 ہزار 999 روپے سے کم ہوکر 45 ہزار 999 روپے کردی گئی ہے جبکہ 32 میگاپکسل سیلفی کیمرے اور 48 میگا پکسل بیک کیمرے (بیک پر تین کیمرے دیئے گئے ہیں)والے وی 15 پرو کی قیمت 64 ہزار 999 روپے سے کم کرکے 59 ہزار 999 روپے کرنے کا اعلان کیا گیا ہے۔

(جاری ہے)

ویوو وائے 95 کی قیمت 34 ہزار 999 روپے کی جگہ اب 31 ہزار 999 روپے کردی گئی ہے جبکہ وائے 91 سی کی قیمت 19 ہزار 999 روپے سے کم ہوکر 18 ہزار 999 روپے ہوگئی ہے۔واضح رہے کہ رمضان کے آغاز پر ہواوے کے پی 30 لائٹ، نووا 3 آئی، وائے نائن 2019، اور وائے 5 لائٹ کی قیمتوں میں کمی کا اعلان کیا گیا تھا۔
ہواوے پر امریکی پابندیاں سے متعلق تازہ ترین معلومات