ھ*حکومت مخالف مہم کیلئے تیار ہیں، چالیس لاکھ لوگ اسلام آباد لائیں گے ،حافظ حمد اللہ

بدھ 15 مئی 2019 23:50

;اسلام آباد(اُردو پوائنٹ اخبارتازہ ترین - آن لائن۔ 15 مئی2019ء) جمعیت علمائے اسلام (ف)کے رہنما حافظ حمد اللہ نے دعوٰی کیا ہے کہ حکومت مخالف مہم کیلئے تیار ہیں، چالیس لاکھ لوگ اسلام آباد لائیں گے جس سے حکومت گر جائیگی ۔ مسلم لیگ ن اور پیپلز پارٹی ساتھ چلنا چاہیں تو آجائیں۔

(جاری ہے)

میڈیا رپورٹس کیمطابق بدھ کے روز جمعیت علمائے اسلام (ف) کے رہنما حافظ حمد اللہ نے کہا ہے کہ جے یو آئی ف حکومت مخالف مہم کیلئے تیارہے ، اسلام آباد میںملین مارچ ہوگا۔

چالیس لاکھ لوگ آئیں گے ۔ انہوںنے دعوٰی کیا کہ چالیس لاکھ لوگ اسلام آباد میں جمع ہوگئے تو حکومت گر جائے گی ۔ تحریک انصاف کی حکومت کی کوئی معاشی اور خارجہ پالیسی نہیں ہے۔ حافظ حمد اللہ نے کہا کہ پیپلز پارٹی اور مسلم لیگ ن اگر ہمارے ساتھ چلنا چاہتے ہیں تو آجائیں۔