شمعون عباسی کی فلم ’ ’درج‘‘ کو دنیا بھر میں ریلیز تاریخ مل گئی

فلم رواں سال 11 اکتوبر کو دنیا بھر میں نمائش کے لیے پیش کردی جائے گی

جمعرات مئی 12:55

شمعون عباسی کی فلم ’ ’درج‘‘ کو دنیا بھر میں ریلیز تاریخ مل گئی
کراچی (اُردو پوائنٹ اخبارتازہ ترین - این این آئی۔ 16 مئی2019ء) پاکستانی اداکار شمعون عباسی کی فلم ’درج‘ کا پہلا ٹریلر چند روز قبل مداحوں کے ساتھ شیئر کیا گیا تھا، جس کی ریلیز ہونے کی تاریخ کا اب اعلان کردیا گیا۔فلم رواں سال 11 اکتوبر کو دنیا بھر میں نمائش کے لیے پیش کردی جائے گی۔فلم ’’درج‘‘ امریکا، برطانیہ، کینیڈا، یو اے ای، کویت، بحرین، عمان اور قطر میں ریلیز ہوگی۔

اس فلم کی کہانی پنجاب سے تعلق رکھنے والے دو بھائیوں اور لاپتہ افراد کی تلاش پر مبنی ہے۔’درج‘ کی ہدایات بھی شمعون عباسی نے دی ہے، جب کہ انہوں نے اس کی کہانی بھی لکھی ہے۔

(جاری ہے)

فلم کی کاسٹ میں جہاں خود شمعون عباسی ایکشن دکھاتے نظر آئیں گے، وہیں ان کے ساتھ مائرہ خان، شیری شاہ، نعمان جاوید اور دیگر اداکار شامل ہیں۔شمعون عباسی کا اپنی فلم کے حوالے سے ایک انٹرویو میں کہنا تھا کہ ’ہر کوئی کامیڈی فلمیں بنانے میں مصروف ہے، کیوں کہ لوگوں کو یہ زیادہ پسند آی ہیں اور ایسی فلموں کی تشہیر بھی آسان ہے، اسپانسرز بھی باآسانی مل جاتے ہیں، ہمیں اپنی فلم کے لیے کوئی اسپانسر نہیں ملا، نہ کیس چینل نے ہماری فلم کی تشہیر کی، اس کے باوجود ہم نہیں رکے اور اپنی فلم پر کام کرتے رہے۔

’درج‘ کو شام فلم کے بینر تلے ریلیز کیے جائے گا۔