زرعی ماہرین کی کاشتکاروں کو بھنڈی توری کی فصل پر خصوصی توجہ دینے کی ہدایت

جمعہ 17 مئی 2019 15:08

فیصل آباد (اُردو پوائنٹ اخبارتازہ ترین - اے پی پی۔ 17 مئی2019ء) :زرعی ماہرین نے بھنڈی توری کے کاشتکاروںکو بھنڈی توری کی فصل پر خصوصی توجہ دینے کی ہدایت کی ہے اور انہیں آگاہ کیا ہے کہ بیچ بونے کی40 سے 50 دن بعد اگیتی اقسام کا پھل اترنا شروع ہو جاتا ہے اور پھل کی چنائی کافی مشکل ہوتی ہے کیونکہ بھنڈی کا لیس دار مادہ اور پھل کی کچھ اقسام پر اگنے والے سخت بال سبزی کو نقصان پہنچاتے ہیں اس لئے ضروری ہے کہ پھل توڑتے وقت ہاتھوں پر پلاسٹک کے دستانے ضرور چڑھائیں ۔

(جاری ہے)

ایک ملاقات کے دوران ماہرین زراعت نے کہا کہ چونکہ بھنڈی توری کی فصل پر کیڑے مکوڑوں کا حملہ بھی ہو سکتا ہے اس لئے کاشتکاروں کو چاہیے کہ وہ دوسرے ، تیسرے روز فصل کا معائنہ کرتے رہیںاور اگر کسی جگہ پر کسی کیڑے کا حملہ محسوس ہو توفوری طورپرماہرین زراعت یامحکمہ زراعت کے فیلڈ سٹاف کی مشاورت سے کیڑے مار ادویات کا سپرے یقینی بنایا جائے تاکہ فصل کو زیادہ نقصان سے بچانے میں مدد مل سکے۔

Facebook Twitter Google + Share on Whatsapp

زرعی ماہرین کی کاشتکاروں کو بھنڈی توری کی فصل پر خصوصی توجہ دینے کی ہدایت

متعلقہ عنوان :

مزید زراعت کی خبریں