وزیر خارجہ شاہ محمود قریشی دو روزہ سرکاری دورے پر کویت روانہ

امیر کویت کی خدمت میں وزیر اعظم عمران خان کا خصوصی خط لیکر حاضر ہونگا، گفتگو

ہفتہ 18 مئی 2019 12:58

اسلام آباد (اُردو پوائنٹ اخبارتازہ ترین - این این آئی۔ 18 مئی2019ء) وزیر خارجہ شاہ محمود قریشی دو روزہ سرکاری دورے پر کویت روانہ ہوگئے ۔وزیر خارجہ مخدوم شاہ محمود قریشی نے دو روزہ سرکاری دورہ پر کویت روانگی سے قبل اسلام آباد ایئر پورٹ پر میڈیا سے گفتگو کرتے ہوئے کہا کہ دو روزہ دورے پر کوئت روانہ ہو رہا ہوں میری وہاں کوئیت کے وزیر خارجہ سے ون آن ون ملاقات ہوگی،بعد ازاں وفود کی سطح پر بھی مذاکرات ہونگے،ان مذاکرات میں کویت کیساتھ ویزہ ایشوز سمیت دیگر دوطرفہ معاملات پر گفتگو ہو گی۔

(جاری ہے)

انہوںنے کہاکہ میں امیر کویت کی خدمت میں وزیر اعظم عمران خان کا خصوصی خط لیکر حاضر ہونگا،یہ دورہ پاکستان اور کوئیت کے مابین دوطرفہ تعلقات میں بہتری کیلئے معاون ثابت ہو گا۔