Live Updates

قومی ٹیم کی جانب سے10 ناکامیوں کا 31سال پرانا منفی ریکارڈ دہرادیا گیا

عمرا ن خان کے بعد سرفراز احمد کے زیر قیاد ت گرین شرٹس نے بدترین ریکارڈ بنایا

Zeeshan Mehtab ذیشان مہتاب اتوار مئی 22:47

قومی ٹیم کی جانب سے10 ناکامیوں کا 31سال پرانا منفی ریکارڈ دہرادیا گیا
لاہور(اردو پوائنٹ تازہ ترین اخبار۔ 19مئی2019ء) ون ڈے کرکٹ میں پاکستان کی مسلسل ناکامیوں کی تاریخ31 سال بعد ایک بار پھر دہرا دی گئی، اس سے قبل عمران خان کی قیادت میں88۔1987ءمیں گرین شرٹس کو مسلسل 10 ون ڈے میچز میں شکستوں کا سامنا کرنا پڑا تھا۔ون ڈے کرکٹ میں پاکستان کی مسلسل ناکامیوں کی تاریخ31 سال بعد ایک بار پھر خود کو دہرائی گئی ، گرین شرٹس نے آخری میچ دورئہ جنوبی افریقہ میں جیتا تھا، اس کے بعد کینگروز اور انگلینڈ کیخلاف شکستوں کا سامنا کرنا پڑا، اس سے قبل عمران خان کی قیادت میں30اکتوبر1987ءسے30مارچ1988ءکے دوران گرین شرٹس کو مسلسل 10 ون ڈے میچز میں ناکامیوں کا منہ دیکھنا پڑا تھا۔

گزشتہ میچز میں پاکستانی بیٹسمینوں کی 9سنچریاں بے کار گئیں، کسی ایک میچ میں بھی فتح ہاتھ نہیں آئی، فروری 2019 ءکے بعد پاکستان نے کسی بھی فارمیٹ کا کوئی میچ نہیں جیتا، مجموعی طور پر 22 مقابلوں میں سے 18 میں ناکامی کا سامنا کرنا پڑا، 3 میں فتح حاصل ہوئی، ایک میچ بے نتیجہ رہا۔

(جاری ہے)

ون ڈے کرکٹ میں مسلسل ناکامیوں کے باوجود پاکستان نے ایک مثبت ریکارڈ بھی اپنے نام کیا،ابھی تک پاکستان نے انگلینڈ کےخلاف سیریز کے تین میچز میں361، 358 اور 340رنز بنائے ہیں، کسی اور ٹیم نے مسلسل 3بار یہاں 340سے زائد رنز نہیں سکور کیے۔                                                               

وزیراعظم حاضر ہے سے متعلق تازہ ترین معلومات