جمہوریت بچانے کے نام پر حکومت کے خلاف سازش افسوسناک ہے‘ سردارمحمد آصف نکئی

اپوزیشن کی لاکھ کوششوں کے باوجود بھی پاکستان کی عوام وزیراعظم عمران خان کے ساتھ ہے‘صوبائی وزیر

پیر 20 مئی 2019 14:54

جمہوریت بچانے کے نام پر حکومت کے خلاف سازش افسوسناک ہے‘ سردارمحمد ..

لاہور (اُردو پوائنٹ اخبارتازہ ترین - این این آئی۔ 20 مئی2019ء) صوبائی وزیر برائے مواصلات وتعمیرات سردار محمد آصف نکئی نے اپنے ایک بیان میں کہا کہ جمہوریت بچانے کے نام پر حکومت کے خلاف سازش افسوسناک ہے،ماضی کے کرپٹ حکمرانوں نے معیشت کا بیڑہ غرق کر دیا،ماضی میں عام آدمی کو بری طرح نظر انداز کیا گیا،کرپشن،نااہلی اور غلط پالیسیوں کے ذریعے ملکی اداروں کو تباہ کیا گیا، قومی خزانے کی لوٹ مار کرنے والے قوم کے مجرم ہیں اورقوم ان کی حقیقت سے اچھی طرح واقف ہے۔

(جاری ہے)

انہوں نے کہا کہ ملک اس وقت معاشی طورپر مشکل دور سے گزررہا ہے لیکن تحریک انصاف کی حکومت تمام تر مشکلات کے باوجود ملکی ترقی واستحکام کے لئے شب وروز کوشاں ہے۔تحریک انصاف کی حکومت غریب اور عام آدمی کی خوشحالی ومعاشی ترقی کے ایجنڈے پر عمل پیرا ہے۔انہوں نے مزید کہا کہ اپوزیشن کی لاکھ کوششوں کے باوجود بھی پاکستان کی عوام وزیراعظم عمران خان کے ساتھ ہے اور عمران خان عوام کی امیدوں پر انشاء اللہ پورا اتریں گے اور وہ وقت دور نہیںجب عام آدمی خوشحال ہو گا۔