Live Updates

وزارت سائنس اینڈ ٹیکنالوجی ماہرین نے چاند کی رویت کے لئے سائنسی بنیادوں پر قمری کیلنڈر تیارکرلیا

کلینڈر 5 سال کے لئے تیار کیا گیا ہے اور ہر 5 سال بعد اس کا دوبارہ جائزہ لیا جائے گا۔ قمری کیلنڈر کے حوالے سے اسلامی نظریاتی کونسل سے رائے لینے کے لئے رابطہ کیا ہے اور انہیں کیلنڈر کے حوالے سے آگاہ کر دیا گیا ہے، مفتی منیب اور شہاب الدین پوپلزئی سے بھی رائے لے لی ہے ، فواد چوہدری

پیر 20 مئی 2019 23:22

وزارت سائنس اینڈ ٹیکنالوجی ماہرین نے چاند کی رویت کے لئے سائنسی بنیادوں ..
اسلام آباد(اُردو پوائنٹ اخبارتازہ ترین - آن لائن۔ 20 مئی2019ء) وزارت سائنس اینڈ ٹیکنالوجی کے ماہرین نے چاند کی رویت کے لئے سائنسی بنیادوں پر قمری کیلنڈر تیارکرلیا۔ وزیرسائنس اینڈ ٹیکنالوجی نے رمضان المبارک سے ایک روز قبل ہی اپنے بیان میں کہا تھا کہ عید اور رمضان کے چاند پر 36 سے 40 لاکھ خرچ کرنا کہاں کی عقلمندی ہے، چاند دیکھنے کے لیے سائنس اینڈ ٹیکنالوجی سے فائدہ اٹھانا چاہیے،10 سال کا کیلنڈر بن جائے توغیرضروری اخراجات اور تنازعات سے بچ جائیں گے، جس کے بعد وفاقی وزیر نے قمری کلینڈر کی رمضان میں ہی تکمیل کا وعدہ کیا تھا۔

ر*وفاقی وزیرسائنس اور ٹیکنالوجی فواد چوہدری نے آج ایک بار پھر سماجی رابطے کی سائٹ ٹوئٹر پر کہا تھا کہ مفتی منیب الرحمن اور شہباب الدین پوپلزئی کو دعوت بھجوا رہے ہیں، دونوں علما کرام تشریف لائیں اور خود دیکھیں چاند کیسے گردش کرتا ہے، چاند کے اصل مقام کے تعین کے لئے کوئی پاپڑ بیلنے کی ضرورت نہیں۔

(جاری ہے)

وفاقی وزیر کی جانب سے بتایا گیا ہے کہ وزارت سائنس اینڈ ٹیکنالوجی کے ماہرین نے سائنسی بنیادوں پر قمری کیلنڈر تیارکرلیا ہے اور یہ کلینڈر 5 سال کے لئے تیار کیا گیا ہے اور ہر 5 سال بعد اس کا دوبارہ جائزہ لیا جائے گا۔

قمری کیلنڈر کے حوالے سے اسلامی نظریاتی کونسل سے رائے لینے کے لئے رابطہ کیا ہے اور انہیں کیلنڈر کے حوالے سے آگاہ کر دیا گیا ہے جب کہ ان سے کہا ہے کہ مفتی منیب الرحمان اور مفتی شہباب پوپلزئی کو بلا کر ان کی بھی رائے لی جائے۔وفاقی وزیر نے کہا ہے کہ کیلنڈر جاری کرنے سے پہلے علمائ سے مشاورت کی جائے گی، اور اسلامی نظریاتی کونسل کی رائے کے بعد قمری کیلنڈر منظوری کے لیے وفاقی کابینہ کو بھجوایا جائے گا، کوشش ہے کہ ماہ رمضان میں ہی قمری کیلنڈر جاری کردیں۔
Live رمضان المبارک سے متعلق تازہ ترین معلومات